Umuhanzi Bagabo Adolphe uzwi nka Kamichi n’umugore we bari mu byishimo bidasanzwe byo kwibaruka umwana wabo wa gatatu.
Uyu mwana w’umukobwa bamwise Kaliza Atete Bagabo. Yavukiye mu bitaro bya Kaminuza ya Tennessee (University of Tennessee Hospital), mu mujyi wa Knoxville.
Mu kiganiro na INYARWANDA, Kamichi yavuze ko ari amashimwe ku Mana yabahaye undi mwana. Ati “Ni amashimwe ku Mana Rurema.”
Muri Nzeri 2018, nibwo Kamichi n’umufasha we bibarutse ubuheta bise Karla Karabo Bagabo naho imfura yabo yitwa Gisa Bagabo Walter.
Kamichi na Ireen Mubiruka batuye muri Leta Zunze Ubumwe za Amerika, bahamije isezerano ryabo kuwa 08 Kamena 2018 mu muhango wabereye muri Leta ya Tennessee.
Uyu muhanzi yamamaye mu ndirimbo ‘‘Aho Ruzingiye’’, ‘‘Barandahiye’’, ‘‘Byacitse’’, ‘‘Kabimye’’, ‘‘Ifirimbi ya Nyuma’’, ‘‘Imitoma Irenze’’ n’izindi.
Kamichi yari asanzwe ari umubyeyi w'abana babiri yabyaranye na Ireen
Kamichi yari aherutse gutangaza ko yitegura kwibaruka ubuheture
Eng
RSS 
TANGA IGITECYEREZO