RFL
Kigali

UEFA yatangaje ko imikino ya Champions League na Europa League yari iteganyijwe mu Cyumweru gitaha yasubitswe

Yanditswe na: SAFARI Garcon
Taliki:13/03/2020 16:59
0

Impuzamashyirahamwe y’umupira w’amaguru ku mugabane w’i Burayi ‘UEFA’,yamaze gutangaza ko imikino ihuza amakipe yabaye ayambere mu bihugu byayo ariyo UEFA Champions League na Europa League yari iteganyijwe mu cyumweru gitaha itakibaye kubera icyorezo cya Coronavirus kiri kuyogoza abatuye Isi.



Amafederasiyo ndetse na za Minisiteri zifite aho zihuriye na Siporo mu bihugu bitandukanye ku Isi, byumwihariko ku mugabane w’i Burayi, ari gufata ibyemezo ndetse n’ingamba bihamye mu rwego rwo kurwanya ikwirakwira ry’iki cyorezo kimaze kugera mu bice byose by’Isi.

Bimwe mu byemezo biri gufatwa harimo kubuza abantu benshi guhurira hamwe, nko ku bibuga by’imikino itandukanye, kwirinda gusuhuzanya bakoranye mu biganza, ndetse ugaragaweho iki cyorezo agashyirwa mu kato kugira ngo atanduza abandi kugeza igihe muganga amuhereye uburenganzira bwo gusubira mu bandi.

Hafashwe ingamba zo guhagarika ibikorwa bya siporo mu bihugu bitandukanye, shampiyona zirahagarikwa kuko ariho hakunda guhurira abantu benshi.

Ni muri urwo rwego impuzamashyirahamwe y’umupira w’amaguru ku mugabane w’i Burayi UEFA, yafashe icyemezo cyo gusubika imikino yo kwishyura muri UEFA Champions league na UEFA Europa League yari iteganyijwe kuba mu cyumweru gitaha mu rwego rwo kurinda abaturage muri iki gihe iyi virus ifite umurego mu kwandura ndetse ikanahitana benshi.

Iki cyemezo kirareba imikino ya UEFA Champions League yariteganyijwe kuba tariki ya 17 na 18/3 2020; imikino ya UEFA Europa Leaguen yose , ya 1/ 16 yo kwishyura yariteganyijwe tariki 19/2020; ndetse n’imikino yose y’abana izwi ku izina rya UEFA Youth League, ya 1/4 yariteganyijwe tariki ya 17 na 18/3/2020.

ibi kandi birareba tombora ya UEFA Champions League na UEFA Europa League ya 1/4 yariteganyijwe kuba tariki ya 20/3/2020.

UEFA kandi yatangaje ko ku wa Kabiri utaha, tariki ya 17 Werurwe 2020, hazaba inama yo kwiga uburyo amarushanwa yayo yakomeza kubamo cyangwa agahagarikwa. Ikazakorwa hifashishijwe amashusho (video conference).

Hari impungenge ko igikombe cy’u Burayi (EURO 2020) cyagombaga kuba mu mpeshyi, gishobora kwimurirwa mu mwaka utaha wa 2021.

IMIKINO YASUBITSWE:

Champions League (aggregate score)

Bayern Munich v Chelsea (3-0)

Barcelona v Napoli (1-1)

Man City v Real Madrid (2-1)

Juventus v Lyon (0-1)

Europa League (aggregate score)

Bayer Leverkusen v Rangers (3-1)

Getafe v Inter Milan

Shakhtar Donetsk v Wolfsburg (2-1)

Wolves v Olympiakos (1-1)

FC Basel v Eintracht Frankfurt (3-0)

FC Copenhagen v Istanbul Basaksehir (0-1)

Manchester United v LASK (5-0)

Roma v Sevilla


Imikino ya UEFA Champions League na UEFA Europa Leagu yari iteganyijwe mu cyumweru gitaha yasubitswe


Coronavirus yahagaritse ibikorwa bya Siporo i Burayi






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND