RFL
Kigali

Manchester City yaciwe akayabo inahagarikwa imyaka ibiri muri UEFA Champions League

Yanditswe na: Mupende Gedeon Ndayishimiye
Taliki:16/02/2020 0:36
0


Impuzamashyirahamwe y’umupira w’amaguru i Burayi, UEFA, yafatiye ibihano bikomeye ikipe ya Manchester City FC yo mu Bwongereza byo kumara imyaka 2 yikurikiranya itagaragara muri UEFA Champions League no gutanga miliyoni 30 z’amayero kubera kurenga ku mategeko agenga ikoreshwa ry’umutungo ku makipe, azwi nka Financial Fair Play.



Financial Fair Play itegeka buri kipe ko itagomba kugira ubusumbane hagati y’amafaranga yarekuye igura abakinnyi n’ayo yinjije mu bo yagurishije. Gusa ariko nyuma y’iperereza ryari rimaze umwaka n’igice  rikorwa hatahuwe ko Manchester City yasesaguye igakoresha nabi umutungo, ihita ifatirwa ibihano.

Mu Ukuboza 2018 nibwo UEFA yatangije iperereza kuri Manchester City ishinjwa kwica nkana amategeko y’umutungo mu bikorwa by’amakipe azwi nka Financial Fair Play.

Akanama kigenga gashinjwe gukurikirana ibijyanye n’umutungo w’amakipe (CFCB), katangaje ko Manchester City “yabeshye amafaranga yinjije muri raporo yahaye UEFA hagati ya 2012 na 2016” ndetse ntiyorohereze aka kanama mu iperereza.

Manchester City ifite Igikombe cya Shampiyona y’u Bwongereza giheruka, uretse guhagarikwa muri UEFA Champions League imyaka ibiri, yanaciwe amande ya miliyoni 25 z’ama-pound.

Ubuyobozi bw’iyi kipe bwatangaje ko bwatunguwe n’iki cyemezo cya UEFA ndetse bwiteguye kujurira mu Rukiko Nkemurampaka rwa Siporo.

Si ubwa mbere Manchester City ihanwa kuko mu 2014, yari yaciwe miliyoni £50 bitewe no kwica amategeko agenga ikoreshwa ry’umutungo ku makipe.

Ibi bihano birareba gusa ikipe y’abagabo ya Manchester City.


Manchester City ifite premier League y'umwaka ushize yafatiwe ibihano bikomeye






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND