RFL
Kigali

Amakipe 4 yo mu cyiciro cya kabiri mu makipe 16 azakina 1/8 mu gikombe cy’Amahoro 2020

Yanditswe na: SAFARI Garcon
Taliki:13/02/2020 12:28
0


Kuri uyu wa Gatatu Tariki 12 Gashyantare 2020, nibwo hasojwe imikino y’ijonjora ry’ibanze mu irushanwa ry’igikombe cy’Amahoro 2020, hahita hanamenyekana amakipe 16 yakomeje mu cyiciro gikurikiyeho, hakaba hagaragaramo amakipe ane akina icyiciro cya kabiri.



Kuri Stade ya IPRC Kicukiro, ikipe y’Intare yari yakiriye Rayon SPorts yari yayitsinze ibitego 4-0 mu mukino ubanza, aho umukino waje kurangira Rayon Sports itsinze Intare ibitego 2-0.

APR FC i Ngoma yahatsindiye Etoile de l’Est igitego 1-0, i Nyamirambo Police itsinda Musanze kuri Penaliti 4-2, nyuma y’aho amakipe yombi yanganyaga igitego 1-1 mu mikino yombi.

I Rubavu, ikipe ya Marine FC yari yaratsinzwe  na Gorilla ibitego 3-1, yaje kuyigaranzura iyitsinda ibitego 3-0, Bugesera itsindwa na Mukura ibitego 3-2, naho Gicumbi isezerera Rwamagana iyitsinze ibitego 2-0.

Nyuma yiri jonjora rya mbere Amakipe 12 yakomeje muri 1/16 atsinze ni: APR FC,AS Kigali,AS Muhanga,Sunrise FC,Etincelles FC,Gicumbi FC,Marines FC,Mukura VS, Police FC, Rayon Sports,Rutsiro na Vision.

Amakipe 4 yakomeje kubera ko yatsinzwe neza ni: Musanze FC, ASPOR, Gorilla FC na Kiyovu Sports FC.

Amakipe ya Gorilla Fc, Rutsiro FC, ASPOR FC na Vision FC, niyo ahagarariye icyiciro cya kabiri bikaba bigaragaza imbara ndetse n’ubushake amakipe akina iki cyiciro ari gushyiramo kugira ngo azamure urwego, yewe abashe no guhangana n’ayakina icyiciro cya mbere.

Mu mwaka ushize Ikipe y’Intare na Etoile de l’Est yari yakoze ibishoboka byose yitwara neza, dore ko yanakinnye imikino ya ¼ muri iri rushanwa.

Hategerejwe Tombola izagaragaza uburyo amakipe azahura mu mikino ya 1/8 mu irushanwa ry’igikombe cy’Amahoro 2020.


Ikipe ya Gorilla na Rutsiro FC mu makipe yakomeje muri 1/8 mu gikombe cy'Amahoro 2020


Rayon Sports yasezereye Intare Fc irahabwa amahirwe yo kwegukana igikombe cy'uyu mwaka


APR FC yasezereye Etoile de l'Est nayo irahabwa amahirwe yo kwegukana iki gikombe





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND