Mu mukino wa nyuma wari utegerejwe na benshi muri Super Bowl muri Leta Zunze ubumwe za Amerika kuri iki Cyumweru, intero n’inyikirizo yari imwe yagiraga iti” Hello Miami’ ikaba yari iherekejwe n’imirishyo y’ingoma na Vuvuzela by’abafana nyuma y'uko Kansas City Chiefs yigaranzuye San Francisco 49ers ikayitwara igikombe.
Super
Bowl ni umukino wibumbiye mu ishyirahamwe ry’umupira w’amaguru muri Leta Zunze Ubumwe za Amerika, bwa mbere ukaba waratangiye gukinwa byemewe n’amategeko
tariki 15 Mutarama 1967.
Super
Bowl ni umwe mu mikino ikunzwe n’abatari bacye muri Leta Zunze Ubumwe za
Amerika, kuko Ishyirahamwe ry'umupira w'amaguru muri Amerika (NFL) ritangaza ko
uyu mukino ufite abafana bagera kuri
miliyoni 30.2 bakomoka muri Amerika y'Epfo cyangwa bavuga ururimi rw'iki
Espanyole, bakaba barengaho miliyoni ebyiri ku bari barabaruwe mu 2017.
Bwari
bwo bwa mbere mu mateka y’umukino wa Super Bowl urebwa n'abantu benshi kurusha
indi mikino muri Amerika, ukaba kandi ari umukino wari watumiwemo abahanzikazi bakomoka
muri Amerika y'Epfo baririmbye mu gihe cy’akaruhuko.
Ni
umukino wabereye ku kibuga cya Hard Rock mu mujyi wa Miami muri Leta ya Floride, ukaba wahuzaga amakipe ahora
ahanganye muri uyu mukino kandi afite abakunzi benshi ya Kansas City Chiefs na
San Francisco 49ers.
San
Francisco 49ers niyo yatangiye umukino neza, ibanza kurusha ikipe ya Kansas
City Chiefs inayinjiza ibitego hakiri kare mu duce dutatu twa mbere, ariko
nyuma abakinnyi ba Kansas baje kuva inyuma bigaranzura San Francisco bayitsinda
ibitego 21-0 mu gace ka kane babifashijwemo na Patrick Mahomes uzwi nka King Mahomes wabatsindiye ibitego byinshi, byatumye umukino uhita unarangira ku ntsinzi ya
Kansas ku kinyuranyo cy’ibitego 31-20 ihita inegukana igikombe.
Bwa
mbere mu myaka 50, ikipe ya Kansas City Chiefs yegukanye igikombe cya Lambordi,
ikijyana mu mujyi wa Kansas igitwaye mukeba San Francisco 49ers.
Kansas City Chiefs niyo yegukanye igikombe muri Super Bowl
Patrick Mahomes ni umwe mu bakinnyi batsindiye ibitego byinshi ikipe ya Kansas
Abafana bari benshi ku kibuga
TANGA IGITECYEREZO