Gakwaya Celestin ubadukanye ingoga mu gukora filime ya Gikristo agiye kumurika iyo yise ‘Ijuru tuvuga’

Mu kiganiro yagiranye na InyaRwanda.com, Gakwaya Celestin yadutangarije ko iyi filime ya Gikristo agiye kumurika mu minsi micye iri imbere irimo abakinnyi batandukanye nka; GASANGWA Ereneste, MURENZI David, UMUMARARUNGU BUTERA Liliane, GAKWAYA Celestin, RUDASINGWA Daniella, RUKUNDO Emmanuel (RICK ROSS) n'abandi. Ni filime yizeye ko izakundwa na benshi mu bazayibona by'umwihariko abakristo.

Gakwaya Celestin yadutangarije ko buri mezi atatu azajya ashyira hanze filime nshya ya Gikristo. Iyo avuga ibi, wumva aba akomeje ndetse yumvikanisha ko ari umushinga amaze igihe kinini yigana ubushishozi. Avuga ko gukora filime za Gikristo yabitewe n'urukundo akunda sinema nyarwanda, bityo asanga ari byiza gutanga umusanzu ku bantu bakunda cyane filime za Gikristo na cyane ko yabonaga hari icyuho kinini mu Rwanda mu bijyanye na filime za Gikristo.

Filime Ijuru tuvuga igiye kwerekana mu minsi iri imbere