ICASA “International Conference on AIDS and Sexually Transmitted Infections in Africa”. Iyi nama yiga ku kibazo cya virusi itera SIDA n’izindi ndwara zandurira mu mibonano mpuzabitsina by’umwihariko ku mugabane wa Africa. Iyi nama izaba guhera tariki ya 2 Ukuboza kugeza tariki 7 Ukuboza 2019, aho izabera i Kigali muri Convention Centre.
ICASA 2019 ku nshuro yayo ya 20 ifite insanganyamatsiko igira iti:”Africa izira Sida-guhanga udushya, hifashishijwe umuryango mugari n’imiyoborere”. Biteganyijwe ko iyi nama izitabirwa n’abayobozi bagera ku bihumbi icumi(10,000) baturuka mu bihugu 150, harimo abanyamakuru 200.
Yaba
ikigo gishinzwe gukurikirana iby’indwara zandurira mu mibonano mpuzabitsina
muri Africa, abategura ICASA hamwe n’abarenga ibihumbi bitanu (5000) baturuka mu
buhugu 56 bose bishyize hamwe mu gutegura iyi nama ya ICASA 2019 babifashijwemo
n’abafatanyabikorwa haba ku rwego
mpuzamahanga ndetse no ku rwego rwa Africa. Iyi nama ikaba ari inama
mpuzamahanga buri gihe ibera muri Afrika igahuza ibihugu bya Africa bikoresha
ururimi rw’icyongereza ndetse n’igifaransa.
Ni akahe kamaro k’iyi nama?Iyi nama ni ingirakamaro kuko izatanga amahirwe yo gushyira hamwe no gusangira ibitekerezo n’abafatanyabikorwa baturutse mu bihugu bitandukanye. Iyi nama kandi iha Abanyafrika ndetse n’isi muri rusange amahirwe yo guhuriza hamwe imbaraga n’ibitekerezo kugira ngo babashe kurandura burundu ikibazo cy’indwara zandurira mu mibonano mpuzabitsina kigaragara muri Afrika.
Ni izihe ntego ICASA ifite muri uyu mwaka wa 2019
.Guteza
imbere umuryango mugari,abashakashatsi ndetse n’abahanga mu guhanga udushya
hifashishijwe ikoranabuhanga mu rwego rwo kurandura SIDA.
.Kuvugurura amahame
y’uburinganire ,uburenganzira bwa muntu n’itangwa rya service inoze ku ndwara ya SIDA kuri buri mugenerwabikorwa.
.Guteza
imbere ingamba zinoze kandi zibereye urubyiruko rutarangwa na Sida.
.Ubukangurambaga
mu iterambere ry’ubuvuzi n’ifatanyabikorwa
muri service zitandukanye zita ku ndwara z’ibyuririzi nka infections z’inzaduka n’indwara zitandura.
.Ubukangurambaga mu guteza imbere imibereho myiza irambye mu gihugu, imiyoborere na politike, n’uburyozwe.
Src: bettercarenetwork.org, www.avac.org
Umwanditsi: Ange Uwera-InyaRwanda.com
TANGA IGITECYEREZO