RFL
Kigali

Intambara y’imipaka yakuruye ubukeba, kumara imyaka 20 nta rushanwa na rimwe bahuriramo, Erithrea na Ethiopia bagiye guhurira muri CECAFA 2019

Yanditswe na: Editor
Taliki:25/11/2019 15:14
1

Igihugu cya Ethiopia na Eritrea bahuriye mu itsinda rimwe rya mbere mu irushanwa rya CECAFA Senior Challenge Cup 2019 ribura iminsi mike ngo ritangire muri Uganda. Amateka akaba agiye kwandikwa kuko rizaba ari irushanwa rya mbere mu myaka 20 ibi bihugu bihuriyemo nyuma y’ubukeba bukomeye bwakuruwe n’intambara yo kurwanira umupaka yamaze imyaka



Kuva tariki 6 Gicurasi 1998 kugeza Kamena 2000, mu majyepfo y’igihugu cya Eritrea hakaba mu majyaruguru y’igihugu cya Ethiopia  mu duce twa Badme na Tsorona,  umuriro warakaga mu ntambara y’urudaca buri gihugu gishaka kwiharira utu duce.

Iyi ntambara yamaze imyaka ibiri yabaye umusaraba ku bihugu byombi birenga politiki bijya no mu bindi bice by’ubuzima, byumwihariko muri Siporo.

Mu myaka 20 ishize nta rushanwa na rimwe ibi bihugu byigeze bihuriramo, kuko buri gihugu kitifuzaga gukina n’ikindi yewe nta naho bifuza guhurira, bitewe n’amateka ibihugu byombi byanyuzemo.

Muri uyu mwaka mu mezi make ashize, mu irushanwa rya CECAFA y’abatarengeje imyaka 17, ibihugu byombi byahuriyemo ariko umukino wabihuje n’ubwo ari abana nta byinshi bazi ariko bagaragaje ihangana n’ishyaka ridasanzwe ritigeze rigaragara kuyindi mikino ibi bihugu byakinnye.

Muri tombora yabaye muri CECAFA Senior Challenge Cup 2019, ibihugu byombi byisanze mu itsinda rimwe rya mbere aho biri kumwe na Uganda izakira ndetse n’uburundi.

Nyuma yiyi tombora abakunzi b’umupira w’amaguru bice bitandukanye by’Isi bategerezanye igishyika aya mateka agiye kwandikwa hagati y’ibi bihugu mu myaka 20 yari ishize nta rushanwa na rimwe bihuriramo mu mupira w’amaguru.

Imikino y’igikombe cya CECAFA Senior Challenge Cup 2019, izatangira tariki 01-19 Ukuboza 2019, ibere mu gihugu cya Uganda.

Uko amatsinda agabanyije muri CECAFA Senior Callenge Cup 2019

·         Group A

·          

·         Uganda

·         Burundi

·         Ethiopia

·         Eritrea

Group B

·         DRC Congo

·         Sudan

·         South Sudan

·         Somalia

Group C

·         Kenya

·         Tanzania

·         Djibouti

·         Zanzibar


Uzaba ari umukino utoroshye hagati y'ibi bihugu


Ikipe y'igihugu ya Ethiopia 


Ikipe y'igihugu ya Eritrea

Umwanditsi – SAFARI Garcon –inyarwanda.com


Tags:




TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • cadeau kega1 year ago
    nonex u rwnda ko ntarwo mbonamo ra?



Inyarwanda BACKGROUND