Volleyball: REG VC yatwaye irushanwa rya “Carre d’As 2019” itsinze UTB yatwaye igikombe mu bagore-AMAFOTO

Wari umukino wa nyuma w’abacyeba basanzwe bahangana kuko ikipe ya Gisagara VC ititabiriye irushanwa bitewe n’uko ngo ryasanze abakinnyi bayo bava hanze baragiye mu biruhuko.

“Carre d’As” ni irushanwa riba mu mukino wa Volleyball aho amakipe ane ya mbere muri shampiyona ahura yaba mu bagore n’abagabo bityo amakipe abiri yaje imbere mu manota nyuma yo guhura agahita akina umukino wa nyuma.

REG VC yatwaye igikombe na sheki y'ibihumbi 350

UTB VC yageze ku mukino wa nyuma ihasanga REG VC bityo seti ya mbere iba iya UTB n’amanota 25-20 mbere y’uko REG VC yisubiza umukino itsinda seti ya kabiri n’amanota 26-24.

Seti ya gatatu yabaye iya REG VC n’amanota 25-20 mbere y’uko UTB VC itsinda seti ya kane n’amanota 25-22.

Ntagengwa Olivier umukinnyi wagize uruhare ku gikombe cyatwawe na REG VC abereye kapiteni

REG VC bishimira igikombe batwaye UTB VC

Byabaye ngombwa ko bakina kamara mpaka yo gutanguranwa amanota 15 ariko byarangiye bigeze ku manota wa 20 kuko REG VC yarangirije ku manota 20 mu gihe UTB VC yari ifite amanota 18.

REG VC yatwaye igikombe itarimo Mukunzi Gasarasi Christophe wari hanze y'ikibuga ubona ari kumwe na bagenzi be mu mukino 

Mu cyiciro cy’abagore, ikipe ya UTB WVC yatwaye igikombe itsinze RRA amaseti 3-0 (25-22, 25-20 na 27-25).

UTB VC bishimira igikombe batwaye mu cyiciro cy'abagore batsinze RRA        

Nkurunziza Gustave (Ibumoso) Perezida wa CAVB Zone V na Kansiime Kagarama Julius (Iburyo) visi Perezida muri FRVB

Umukino wa REG VC na UTB VC 

Umukino wa RRA na UTB VC 

....Andi mafoto yaranze Carre d'As 2019.

APR WVC yasoje ku mwanya wa gatatu

RRA WVC yasoje ku mwanya wa kabiri

KVC yasoje ku mwanya wa kane