RFL
Kigali

Peace Cup 2019: Bishira na Kitegetse bafashije AS Kigali gutera intambwe igana muri ½, Police FC yivana i Rubavu-AMAFOTO

Yanditswe na: Mihigo Saddam
Taliki:19/06/2019 17:31
0


Ikipe ya AS Kigali yatsinze Gasogi United ibitego 2-1 mu mukino ubanza wa ¼ cy’irangiza mu gikombe cy’Amahoro 2019, umukino waberaga kuri sitade ya Kigali kuri uyu wa Gatatu tariki 19 Kamena 2019.



Kitegetse Bogarde ukina hagati mu kibuga na Bishira Latif ukina mu mutima w’ubwugarizi batsindiye AS Kigali mu gihe igitego rukumbi cya Gasogi United cyatsinzwe na Rugamba Jean Baptiste ukina hagati mu kibuga.


AS Kigali bishimira intsinzi

Gasogi United bafunguye amazamu ku munota wa 23’ w’umukino batsindiwe na Rugamba Jean Baptiste. Ibitego bya AS Kigali byatsinzwe na Kitegetse Bogarde ku munota wa 59’ nyuma yo kwinjira asimbuye Murengezi Rodrigue.




Gasogi United bishimira igitego cya Rugamba Jean Baptiste ku munota wa 23'

Igitego cya kabiri cya AS Kigali cyanabahaye amanota atatu y’umunsi cyatsinzwe na Bishira Latif akoresheje umutwe ku munota wa 85’.



Kitegetse Bogarde yishyuriye AS Kigali ku munota wa 59'



Bishira Latif yashyizemo igitego cy'intsinzi ya ASKigali ku munota wa 85'

Umukino Gasogi United yari yakaniye inabanza igitego

AS Kigali yahise itera intambwe igana muri ½ cy’irangiza kuko isabwa kunganya mu mukino wo kwishyura uteganyijwe kuri uyu wa Gatandatu tariki 22 Kamena 2019.

Undi mukino wakinwe kuri uyu wa Gatatu wasize ikipe ya Police FC itsinze Etincelles FC ibitego 2-0 mu mukino waberaga kuri sitade Umuganda mu karere ka Rubavu.

Ibitego bya Police FC byatsinzwe na Songa Isaie na Ndayishimiye Antoine Dominique wafunguye amazamu.



Dusange Bertin agenzura umupira imbere ya Bishira Latif

Abakinnyi babanje mu kibuga:


AS Kigali XI: Bate Shamiru (GK,21), Nshimiyimana Marc Govinho 3, Bishira Latif 5, Rurangwa Moss 4, Niyomugabo Claude 23, Nsabimana Eric Zidane 30,Ntamuhanga Thumaine Tity, Murengezi Rodrigue (C,7), Ngama Emmanuel 19,Ndarusanze Jean Claude 11,Ishimwe Kevin 17


Gasogi United XI: Cyuzuzo Gael Aime (GK,99), Amani Niyonkuru 21, Habimana Yves 14, Irakoze Gabriel 11, Rugamba Jean Baptiste 16, Fulgence Twagirimana 5, Kazindu Bahati Guy 6, Kwizera Aimable 15, Tresor Byumvuhore 8 na Nkubana Marc (C,2).


Abasifuzi n'abakapiteni

Dore uko imikino ibanza ya ¼ yagenze:

-AS Kigali 2-1 Gasogi United

-Etincelles FC 0-2 Police FC

Imikino iteganyijwe:

Kuwa Kane tariki 20 Kamena 2019

-Rayon Sports vs Gicumbi (Stade de Kigali, 15h00’)

-Intare FA vs SC Kiyovu (Kicukiro Turf, 15h00’)


Nshutinamagara Ismael Kodo umwe mu batoza ba AS Kigali


Ishimwe Kevin (17) imbere ya Nkubana Marc kapiteni wa Gasogi United


Rurangwa Moss arambika Dusange Bertin


Kitegeste Bogarde ku mupira asunikwa na Rugamba Jean Baptiste

PHOTOS: Sadam MIHIGO (Inyarwanda.com)






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND