Mike Karangwa n’umukunzi we, Aime Uwimana, Tonzi, Dominic, Gaby

Mike Karangwa n’umukunzi we, Aime Uwimana, Tonzi, Dominic, Gaby Kamanzi, mu bitabiriye igitaramo cya Don Moen-AMAFOTO

Imyidagaduro - 11/02/2019 12:43 PM

Umuramyi Don Moen yaraye akoze igitaramo cy’amateka mu ijoro ry’iki cyumweru tariki 10 Gashyantare 2019 cyitabiriwe n’ibyamamare mu ngeri zinyuranye bihereye ihera ijisho uyu mugabo umaze igihe kinini mu murimo wo kuramya no guhimbaza Imana.

Don Moen yaririmbye mu gitaramo cyiswe ‘MTN Kigali Praise Fest Edition I’, yahuriye ku ruhimbi n’abanyarwanda barimo Israel Mbonyi, Aflewo Rwanda, Dinah Uwera, Nduwayo Columbus, Emmy R., Levixone wo muri Uganda, Timothy wo muri Kenya n’abandi.

Iki gitaramo cyabereye mu ihema rya Kigali Conference and Exhibition Village (KCEV) ahazwi nka Camp Kigali. Cyatangiye saa kumi n’imwe z’umugoroba (17h:00’), gisozwa saa yine n’igice (22h:30’). Cyateguwe na RG-Consult inc ifatanyije na sosiyete y’itumanaho MTN Rwanda.

Iki gitaramo cyitabiriwe na bamwe mu bantu b'ibyamamare mu Rwanda, icyakora ntabwo bari benshi cyane. Ab'ibyamamare bari muri iki gitaramo ni: Mike Karangwa wari kumwe n'umukunzi we, Israel Mbonyi waririmbye muri iki gitaramo, Aime Uwimana, Tonzi, Gaby Kamanzi, Dominic Ashimwe, Bishop Dr Fidele Masengo n'abandi.

AMAFOTO: