Abongereza bashobora gukomeza kujya mu bihugu bigize umuryango w'Ubumwe bw'Uburayi nta VISA basabwe

Muri kamena mu mwaka wa 2016 ni bwo abongereza bangana na 52 % bemeje ko bashaka ko igihugu cyabo kivana mu muryango w'ibihugu 27 byibumbiye mu muryango w'ubumwe bw'uburayi. Icyakora kuva icyo gihe iki cyemezo cyamaganwe n'abandi bongereza batagitoreye, abandi bagenda bisubiraho kugeza magingo aya.

Nyuma yo kwikura muri uyu muryango bimwe mu byo abangoreza boroherezwaga nk'abari muri uyu muryango bigombaga gukurwaho. Abongereza bari bemerewe kujya mu bihugu 26 bigize uyu muryango nk'abanyagihugu b'ibi bihugu, nta VISA basabwe. Ihame ryo kwikura muri uyu muryango ribakuriraho kujya mu bihugu binyamuryango by'umuryango w'ubumwe bw'uburayi nk'uko byari bisanzwe .

Icyakora ihuriro ry'abambasaderi bagarariye ibihugu byabo muri uyu muryango w'ubumwe bw'uburayi byemeje ko ubwongereza bushobora gusonerwa, abaturage babwo ntibajye basabwa VISA, mu gihe u Bwongereza bwabikora nabwo. Gusa iki kiracyari icyemezo kiri kwigwaho n'inteko y'abadepite muri uyu muryango.

Hagati aho guverinoma y'u Bwongereza yatangaje ko idateganya gusaba VISA abaturage baturutse mu bihugu bigize umuryango w'ubumwe bw'uburayi baje kuhaba mu gihe gito.

Minisitiri w'intebe w'u Bwongereza Theresa May yatangaje ko igihugu cye kizaba cyarivanye muri uyu muryango burundu mu kwezi kwa 3 muri uyu mwaka wa 2019.

Src: Euronews