Bigizi Gentil ni umuhanzi wamamaye mu ndirimbo zinyuranye zirimo; Kipenzi,
Imvugo yiwe, Yesu Ariho, Yesu arabaruta, Ntacyo mfite, Carivali, Nakupenda,
Alpha na Omega n'izindi. Muri iyi minsi akunzwe cyane mu ndirimbo 'Imvugo
yiwe', 'Yesu arabaruta' n'izindi.
Mu magambo yuje akababaro yatewe n'ibyago umuryango we wagize, Bigizi Gentil uzwi cyane nka
Kipenzi yagize ati: "Madamu bamubaze nyuma y'uko yari amaze kubyara kubera
ko iya nyuma yari yatinze cyane. Arababaye ariko ni muzima. (...). N'ubwo dufite
amakuba y’impande zose, ariko ntidukutse imitima.
Uyu muryango wa Bigizi Gentil ufite ubuhamya bukomeye dore ko abaganga bo mu bitaro binyuranye bari barawubwiye ko utazabyara ariko Imana ikabakorera igitangaza ubu bakaba bafite abana babiri. Tariki 21/12/2017 ni bwo bibarutse umwana w'ubuheta bise Yerusalemu. Ni mu gihe imfura yabo yabonye izuba tariki 6 Nzeli 2016.