MTN Rwanda yizihiziga isabukuru y'imyaka 20 imaze ikorera mu Rwanda yari imaze igihe ikora ibitaramo bizenguruka igihugu muri gahunda ya 'Izihirwe na MTN', ubwo hasozwaga iyi gahunda yarangiriye mu mujyi wa Kigali abanyamahirwe bagenewe ibihembo binyuranye byatangiwe mu gitaramo cyitabiriwe n'abahanzi b'ibyamamare.
Kuri uyu wa Gatanu tariki 21 Ukuboza 2018 ni bwo i Gikondo ahasanzwe habera imurikagurisha hari hakoraniye imbaga y'abafana bari baje kwifatanya na MTN mu birori byo kwizihiza isabukuru y'imyaka 20 bakorera mu Rwanda . Abanyamahirwe batsinze tombola yashyiriweho abakiriya b'iyi kampani batsindiye ibintu binyuranye by'umwihariko hakaba n'abatsindiye inka.
Hatanzwe inka eshanu, telefone imwe ya Samsung Galaxy S9, televiziyo esheshatu na moto eshatu. Ibi byatangiwe mu birori byaririmbyemo abahanzi bakomeye hano mu Rwanda barimo; Riderman, Bruce Melody, Yvan Buravan na Charly na Nina. Icyakora bitunguranye Allioni na Jack B nabo bataramiye muri ibi birori.
Ibi birori byitabiriwe ku rwego rwo hejuru byayobowe na MC Buryohe ndetse na MC Fabiola mu gihe hari aba Djs bo muri Platinmuz bari bayobowe na Dj BISSOSO, DJ Danches ndetse na VJ Mupenzi.
Jack B ni we wafunguye urubyiniro
Alain Numa umukozi wa MTN ni we wayoboye gahunda zo guhemba abanyamahirwe
Hari abahembwe televiziyo
Hari uwahembwe 1,000,000Frw
Hari abahembwe moto
Abafana bari benshi
Yvan Buravan yataramiye abari aho
Umutekano uba wakajijwe ahari abantu benshi
Charly na Nina bashimishije abantu...
MC Bryohe na MC Fabiola bashimishije abantu
Allioni yatunguranye ku rubyiniro afasha Bruce Melody mu ndirimbo bakoranye bita TUZA
Bruce Melody yahamagaye Riderman ku rubyiniro bashimisha abitabiriye iki gitaramo
Aba Djs bo muri Platnumz nibo bacurangiye abitabiriye iki gitaramo
Eng
RSS 
TANGA IGITECYEREZO