Nyuma y'igihe kinini hashakishwa uburyo bwo kuvugurura imyishyurire ya Mutuelle bitagoranye, ubu noneho kwishyura ukoresheje telephone igendanwa byatunganye. Ubu ku rubuga IREMBO ushobora kwishyura imisanzu y'ubwisungane mu kwivuza mu byiciro wifuza.
Aha uribaza uti 'Ese ubu buryo bushya bukoreshwa bute'?
Biroroshye cyane, dore uko bikorwa ukoresheje telefone yawe iyo ari yo yose: kanda
1. *909#
2. Hitamo 1 serivisi
3. Hitamo 4 Ubudehe na Mituwele
4. Hitamo 2 mituwele
5. Shyiramo indangamuntu y'uhagariye umuryango
6. Urahita ubona amakuru ku muryango, abagize umuryango n'icyiciro cy'ubudehe. Hitamo 1 komeza wishyure
7. Urabona umusanzu wose usabwa kwishyura, ubone ndetse nayo amaze gutanga ubundi wemeze ukanda 1 Ishyura
8. Shyiramo umubare w'amafaranga ushaka kwishyura ubundi wohereze
9. Hitamo akarere
Numara kwemeza akarere utuyemo, urabona numero ya fagitire (18040.....). Wishyure ukoresheje MTN mobile money, Tigo cash ndetse na Airtel money. Iyo wishyuye ubwishyu bwawe buhita buboneka ku kigo nderabuzima mu ikoranabuhanga. Nta rupapuro usabwa kujyana.
Eng
RSS 
TANGA IGITECYEREZO