Umunyamakuru, umushyushyarugamba mu bitaramo binyuranye akaba n’umunyarwenya Nkusi Arthur agiye kwitabira iserukiramuco ryo gusetsa rigomba kubera mu mujyi wa Nairobi ho muri Kenya tariki 11 Ukuboza 2017.
Iri serukiramuco rizwi nka ‘Laugh Festival’ Nkusi Arthur agiye kwitabira ni iserukiramuco rigiye kuba ku nshuro ya kabiri rikaba rizitabirwa n'abandi banyarwenya bakomeye mu karere barimo Salvador wo muri Uganda, Cotilda wo muri Uganda, Mc PiliPili wo muri Tanzania, Basket Mouth wo muri Nigeria, Charchill kimwe n'abandi benshi bazwiho ubuhanga mu gusetsa.
Igitaramo cy'urwenya Nkusi Arthur agiye kwitabira muri Kenya
Iki gitaramo kizaba ari kuwa mbere tariki 11 Ukuboza 2017 kibere muri KICC COMESA GROUND mu gihe abazitabira iri serukiramuco bazishyura amashilingi ya Kenya 1000 mu myanya isanzwe ndetse na 2000 mu myanya y’icyubahiro.
TANGA IGITECYEREZO