Umunyamakuru wa Radio 10 na TV10; Dukuze Jean de Dieu uzwi nka Jado Dukuze, mu ijoro ryakeye yahuye n’akaga gakomeye aterwa n’abajura bacukuye inzu abanamo n’umugore we Fidela ku Kicukiro mu mujyi wa Kigali, bamutwara ibikoresho byinshi byari biri mu ruganiriro.
Mu ijoro ryo kuri iki Cyumweru rishyira kuwa mbere, nibwo urugo rw’umunyamakuru wibanda mu makuru y’imikino kuri Radio 10 na TV10 ; Jado Dukuze, rwatewe n’abajura bageze mu nzu babanje kuyicukura, bamwiba ibikoresho bitandukanye byari biri mu ruganiriro birimo televiziyo nini ya « Flat screen », mudasobwa igendanwa, telefone, ibyuma ndangururamajwi bya muzika (speakers) n’ibindi byari biri mu ruganiriro kugeza no ku marido yari amanitse mu ruganiriro.
Bacukuye inzu babasiga iheruheru
Mu kiganiro Jado Dukuze yagiranye na Inyarwanda.com, yadutangarije ko we n’umufasha we Fidela Barahira baherutse gukora ubukwe, babyutse bagasanga inzu bayicukuye babiba ibintu byari biri mu ruganiriro, icyakoze icyo bakoze byihutirwa kikaba ari ukumenyesha abashinzwe umutekano mu nzego z’ibanze ngo barebe ko hari icyakorwa.
Uru rugo rushya rwa Jado Dukuze na Fidela rwatewe na benengango bakarusiga iheruheru, rwubatswe tariki 8 Kanama 2015 ubwo bambikanaga impeta imbere y’inshuti n’imiryango, bivuga ko bahuye n’ibi byago nyuma y’amezi ane bashakanye nk’umugore n’umugabo.
Eng
RSS 
TANGA IGITECYEREZO