Fabien Doubey yegukanye Tour du Rwanda ya 2025 nyuma yuko ejo ari bwo yari yasubiranye umwambaro w'umuhondo wari ufitwe na mugenzi we, Joris Delbove, bakinana muri TotalEnergies. Ayegukanye yarakoresheje amasaha 19, iminota 35 n'amasegonda 12.
Yakurikiwe Henok Mulubrhan umuri inyuma amasegonda 6 na Olivier Mattheus we urushwa amasegonda.
Abanyarwanda baje hafi ni Masengesho Vainqueur wasoreje ku mwanya wa 7 aho arushwa amasegonda 51 n'uwa Mbere, Eric Manizabayo uri ku mwanya wa 12 akaba arushwa umunota 1 n'amasegonda 23 ndetse na Mugisha Moise uri ku mwanya wa 18 akaba arushwa iminota 8 n'amasegonda 41.
Usibye Fabien Doubey wegukanye Tour du Rwanda 2025 abandi begukanye ibihembo ni Nsengiyumva Shemu Uwazamutse kurusha abandi, Munyaneza Didier wahize abandi muri Sprint, Milan Donie wabaye umukinnyi ukiri muto mwiza, Masengesho Vianqeur wabaye Umunyarwanda mwiza, Henok Mulueberhan wabaye Umunyafurika mwiza, Yoel Habteab wabaye Umunyafurika muto mwiza na Bike Aid yabaye ikipe nziza.
Uko agace ka nyuma ka Tour du Rwanda 2025 katarangiye kagenze;
14:25' Impamvu abakinnyi bahagaze ni ukubera ko Umuhanda uri kunyerera bitewe n'imvura yaguye. Hari kuba ibiganiro ngo harebwe igikorwa.
14:17' Abakinnyi bari bari mu gikundi barimo Fabien Doubey wambaye umwenda w'umuhondo na Henok Mulubrhan umukurikiye ku rutonde rusange barahagaze ubwo bageraga kuri Kigali Convention center hasigaye kuzenguruka inshuro imwe.
14:10' Araya na Delbove basizwe umunota 1 n'amasegonda 20 n'abakinnyi bari imbere mu gihe igikundi cyo cyasizwe umunota 1 n'amasegonda 20
14:06' Araya na Delbove bavuye mu gikundi bari imbere bagiye gushaka abayoboye isiganwa
14:04' Mu bakinnyi barindwi bari imbere bayoboye isiganwa, umukinnyi urimo uhagaze neza ku rutonde rusange ni Dawit Yemane uri ku mwanya wa 15 aho arushwa iminota 3 n'amasegonda 49 n'uwa Mbere.
14:02' Abakinnyi bari imbere basize igikundi kirimo Fabien Doubey wambaye umwenda w'umuhondo na Henok Mulubrhan umukurikiye ku rutonde rusange umunota 1 n'amasegonda 15
13:58' Abakinnyi bari imbere bari bamaze kunyura kuri KCC ku nshuro ya kabiri, bivuze ko hasigaye izindi nshuro ebyiri ubundi hakamenyekana uwegukana Tour du Rwanda ya 2025
13:56' Cuylits (Lotto), Tene (Israel), Medhanie (Eritrea), Loriot and Kagimu (Amani), Fabries (UAE), Yemane (Eritrea) basize igikundi amasegonda 50
13:53' Abakinnyi barindwi bari imbere basize igikundi amasegonda 45
Fabien Doubey wegukanye Tour du Rwanda ya 2025
Ubwo habagaho ibiganiro ku bayobozi ba Tour du Rwanda na Fabien Doubey ndetse na Henok Mulubrhan
13:47' Isiganwa riyobowe n'abakinnyi barindwi aribo Cuylits (Lotto), Tene (Israel) na Medhanie (Eritrea) ,Loriot (Amani), Fabries (UAE) na Yemane (Bike Aid) na Kagimu (Armani) aho basize igikundi kibakurikiye amasegonda 35.
13:32' Abakinnyi batatu Cuylits (Lotto), Tene (Israel) na Medhanie (Erythrée) nibo bari imbere aho bashyizemo intera y'amasegonda 35 mu gikundi kibakurikiye.
13:29' Muhoza Eric yafashwe n'igikundi
13:26' Igikundi kigabanyijemo amatsinda atandukanye
13:23' Ikipe ya Eritrean niyo iyoboye igikundi naho Muhoza Eric wa Team Amani we ari imbere aho yashyizemo intera y'amasegonda 10
13:20' Muhoza Eric ukinira Team Amani avuye mu bandi ajya imbere nyuma yo kubigerageza kenshi akagenda agarurwa
13:09' Isiganwa Nyakuri riratangiye
AMAFOTO Y'IGIHE ABAKINNYI BAKORAGA IKILOMETERO KITABARWA
13:07' Habayeho impinduka mu nzira yari gukoreshwa muri aka gace ka Karindwi ka Tour du Rwanda 2025 aho Kubera imvura yaguye mu Mujyi wa Kigali, isiganwa ritakinyuze mu gace kanini ko kuzenguruka, ahubwo abakinnyi barazenguruka intera nto inshuro enye.
Isiganwa ntabwo riranyura i Nyabugogo, Norvege, Kimisagara, kwa Mutwe no mu Mujyi.
Inzira irakoreshwa ni KCC (Gutangira) -Gishushu- RDB- MTN HQ- Kabuga ka Nyarutarama- umuhanda wa UTEXRWA- umuhanda wo kuri Tennis Club-Frontier-Gold Club (inzira yo kwirukiramo)- SOS- MINAGRI- Meridien- KBAC-RIB HQ- Kimicanga- Kimihurura- (Kwa Mignone)- Umuhanda w'amabuye- Kabindi- KABC- KCC (Gusoza).
12:43' Abakinnyi 63 nibo bari mu isiganwa nyuma yuko abaritangiye ari 69. Ni nyuma yuko Umubiligi Duarte Marivoet w'imyaka 20 ukinira Ikipe ya UAE, wegukanye Agace ka Gatanu arivuyemo mu kanya bitewe n'impanuka yakoze.
Umunyarwanda Nzafashwanayo Jean Claude n'Umunya-Israel Itamar Einhorn bo bavuye mu isiganwa ku wa Gatanu.
12:29' Umubiligi Duarte Marivoet w'imyaka 20 ukinira Ikipe ya UAE, wegukanye Agace ka Gatanu ka Tour du Rwanda 2025 kavaga i Rusizi kerekeza i Huye ku ntera y'ibilometero 144 avuye mu isiganwa nyuma y'uko yari mu mpanuka yari yatumye isiganwa riba rihagaze
12:27' Isiganwa ryongeye gukomeza mbere yuko abakinnyi barangiza ikilometero 1 kitabarwa
12:06' Isiganwa ribaye rihagaze nyuma yuko umukinnyi wa Ethiopia, Amanuel Gidey, aguye mbere yo kugera ahabarirwa ibihe.
Iyo umukinnyi agize ikibazo mu gihe isiganwa Nyakuri ritaratangira abakinnyi bahita bahagarara akabanza akitabwaho ubundi rikabona gukomeza.
12:00: Agace ka nyuma ka Tour du Rwanda karatangiye.Abakinnyi bagiye kugenda ikilometero 1 kitabarwa.
AMAFOTO YA MBERE Y'UKO AGACE KA KARINDWI KA TOUR DU RWANDA 2025 GATANGIRA GUKINWA
Isiganwa ry’amagare rya Tour du Rwanda rimaze kuba ikimenyabose!
Iri siganwa ryitabirwa n'abakinnyi bavuye mu bihugu bitandukanye byo ku Isi, aho rimara icyumweru rizenguruka ibice byose by'u Rwanda.
Kuri ubu riri gukinwa ku nshuro ya 17 kuva rigizwe mpuzamahaganga, ikaba ari inshuro ya 7 riri ku kigero cya 2,1.
Ibyo kwitega mu gace k'uyu munsi;
Abasesenguzi b'umukino w'igare bavuga Henok Mulubrhan (Eritrea) ari umukinnyi uza kuba ari inkazi kuri Fabien Doubey umurusha amasegonda atandatu (6") ku rutonde rusange.
Ku ruhande rw'u Rwanda, abakinnyi b'Abanyarwanda no baraza gukora cyane batwara Masengesho Vainqueur kugira ngo ataza gutakaza ibihe ku rutonde rusange bityo akaba yava mu 10 ba mbere
Kugeza ubu Umufaransa Fabien Doubey ukinira TotalEnergies niwe wa Mbere ku rutonde rusange aho amaze gukoresha amasaha 19, iminota 35 n'amasegonda 12.
Akurikirwa na Henok Mulubrhan umuri inyuma amasegonda 6 na Olivier Mattheus we urushwa amasegonda 11.
Abanyarwanda baza hafi ku rutonde rusange ni Masengesho Vainqueur uri ku mwanya wa 7 aho arushwa amasegonda 51 n'uwa Mbere, Eric Manizabayo uri ku mwanya wa 12 akaba arushwa umunota 1 n'amasegonda 23 ndetse na Mugisha Moise uri ku mwanya wa 18 akaba arushwa iminota 8 n'amasegonda 41.
Nahom Araya yegukanye agace ka Gatandatu ka Tour du Rwanda ya 2025
Nahom Araya w'Ikipe y'Igihugu ya Eritrea yegukanye Agace ka Gatandatu ka Tour du Rwanda 2025 kavaga mu karere ka Nyanza kerekeza mu mujyi wa Kigali kuri Canal Olympia ku ntera y'ibilometero 131,5.
Aka gace kakinwe ku munsi wejo kuwa Gatandatu tariki ya 1 Werurwe yakegukanye akoresheje amasaha 3, iminota 9 n'amasegonda 23.
Duarte Marivoet yegukanye agace ka Gatanu ka Tour du Rwanda ya 2025
Umubiligi Duarte Marivoet w'imyaka 20 ukinira Ikipe ya UAE, yegukanye Agace ka Gatanu ka Tour du Rwanda 2025 kavaga i Rusizi kerekeza i Huye ku ntera y'ibilometero 144.
Uyu Mubiligi yakegukanye akoresheje amasaha 4, iminota 5 n'isegonda 1.
Joris Delbove yegukanye agace ka Kane ka Tour du Rwanda ya 2025
Umufaransa Joris Delbove ukinira Ikipe ya TotalEnergies niwe wegukanye Agace ka Kane ka Tour du Rwanda 2025 kavaga Rubavu kerekeza i Karongi ku ntera y'ibilometero 95,1.
Brady Gilmore ni nawe wegukanye agace ka Gatatu ka Tour du Rwanda 2025
Nyuma yuko Umunya-Australia Brady Gilmore ukinira Ikipe ya Israel Premier Tech, ariwe wari wegukanye agace ka Kabiri ka Tour du Rwanda 2025 yanegukanye agace ka Kane kavaga i Musanze kerekeza i Rubavu ku ntera y'ibilometero 121 amasaha 2, iminota 55 n'amasegonda 14.
Brady Gilmore yegukanye agace ka Kabiri ka Tour du Rwanda ya 2025
Umunya-Australia Brady Gilmore ukinira Ikipe ya Israel Premier Tech, yegukanye Agace ka Kabiri ka Tour du Rwanda ya 2025 kavaga mu mujyi wa Kigali kuri MIC kakaba kasorejwe i Musanze ku ntera y'ibilometero 121.Yanegukanye amasaha 3 n'amasegonda 39.
Henok Mulubrhan yegukanye agace Ka mbere ka Tour du Rwanda ya 2025
Umunya-Eritrea Henok Mulubrhan w'imyaka 25 ubitse Tour du Rwanda ya 2023 yegukanye Agace ka Mbere ka Tour du Rwanda ya 2025 kavaga i Rukomo mu karere ka Gicumbi kerekeza mu karere ka Kayonza ku ntera y'ibilometero 157,8.
Aka gace Kari kare kare muri Tour du Rwanda y'uyu mwaka yakegukanye akoresheje amasaha 3, iminota 57 n'amasegonda 52.
Aldo Taillieu yegukanye prologue ya Tour du Rwanda 2025
Umubiligi Aldo Taillieu w'imyaka 20 ukinira Lotto Dstny Devo Team niwe wegukanye Prologue ya Tour du Rwanda 2025 yatangijwe na Perezida wa Repubilika y'u Rwanda,Paul Kagame tariki ya 23 Gashyantare 2025.
Ni Prologue yahagurukiye kuru BK Arena gasoreza mu marembo ya Stade aho abakinnyi ku giti cyabo basiganwe n'ibihe ku ntera y'ibilometero 3,4.
Uyu mukinnyi ukomoka mu Bubiligi niwe wakoresheje ibihe bito kurusha abandi aho yakoresheje iminota itatu n'amasegonda 48 ndetse agahita anambara umwenda w'umuhondo.
Perezida Kagame na Perezida wa UCI nibo batangije Tour du Rwanda ya 2025
Joseph Blackmore niwe ufite Tour du Rwanda iheruka ya 2024
Umwongereza ukinira Israel Primier Tech,Joseph Blackmore yegukanye iri siganwa ry'amagare mu mwaka ushize nyuma yo kwegukana agace ka nyuma karyo ka KCC-KCC kakinwe ku ntera y'ibilometero 73.6 tariki ya 25 Gashyantare 2024.
Yari yanegukanye agace ka Gatandatu ka Tour du Rwanda 2024 ka Musanze-Kigali (Mont Kigali) ku ntera y'ibilometero 93,3, kakinwe ku wa Gatanu tariki 23 Gashyantare 2024. Yakoresheje 2h12'44''.
Joseph Blackmore yari yegukanye aka gace ka Gatandatu mu gihe yizihizaga isabukuru y’amavuko 21 y’amavuko, kuko yavutse tariki 23 Gashyantare 2003.
Mu kiganiro n’itangazamakuru, Joseph Blackmore w’imyaka 22 y’amavuko yavuze ko yishimiye kwegukana agace ka Munani kamugejeje ku kwegukana Tour du Rwanda. Ati “Ni ku nshuro ya mbere ndi kumwe ya Israel Primier Tech. Ndishimye cyane."’
Imwe mu mibare n'amateka ya Tour du Rwanda kuva igizwe mpuzamahanga
Tour du Rwanda imaze kwegukanwa n'abakinnyi 14 mu nshuro 16 imaze gukinwa, abo akaba ari: Jelloul Adil (2009), Teklehaimanot Daniel (2010), Reijnen Kiel (2011), LillDarren (2012), Girdlestone Dylan (2013), Ndayisenga Valens (2014,2016), Nsengimana Jean Bosco (2015), Areruya Joseph (2017), Mugisha Samuel (2018), Kudus Merhawi (2019), Testatsion Natnael (2020, 2022), Rodriguez Cristian (2021), Mulubrhan Henok (2023 ) na Joseph Blackmore.
Restrepo Jhanatan ukomoka muri Colombia ni we umaze kwegukanye uduce twinshi twa Tour du Rwanda tugera kuri 6, akaba akurikirwa na Ndayisenga Valens Eyob Metkel na Nsengimana Jean Bosco.
Testatsion Natnael na Ndayisenga Valens nibo bakinnyi bafite Tour du Rwanda nyinshi (2) abandi bakaba bafite imwe.
Abakinnyi 3 bamaze kugera kuri Podium inshuro nyinshi mu duce twa Tour du Rwanda, ni Restrepo Jhonathan (8) wabaye uwa mbere inshuro 6 aba uwa kabiri inshuro 2, ndetse aba uwa gatatu inshuro 1.
Eyob Metkel (12), yegukanye uduce 5, aba uwa kabiri inshuro 4 aba uwa gatatu inshuro 3. Ndayisenga Valens (10), yegukanye uduce 5, aba uwa kabiri inshuro 4 aba uwa gatatu inshuro 1.
Merhawi Kudus ukomoka muri Eritrea, niwe wegukanye agace ka Tour du Rwanda ari muto, akaba yari afite imyaka 18 n'iminsi 301, aha bikaba byari mu gace ka mbere ka Tour du Rwanda ya 2012, ubwo abakinnyi bavaga Kigali bajya Nyagatare.
Umunyarwanda uza hafi ni Ndayisenga Valens uza ku mwanya wa 5, kuko yabikoze mu 2013, afite imyaka 19, iminsi 322 mu gace ka kabiri ka Tour du Rwanda Rwamagana Musanze.
SMET Guy niwe mukinnyi wegukanye agace ka Tour du Rwanda akuze, akaba yarabizikoze mu 2011, mu gace ka ka Gatanu Gitarama Butare, aho yari afite imyaka 39 n'iminsi 293.
Biziyaremye Joseph niwe mukinnyi w'umunyarwanda wegukanye agace ka Tour du Rwanda akuze aho yari afite imyaka 26 n'iminsi 325, mu 2014 mu gace ka gatanu kavaga Rubavu kajya i Nyanza.
Mugisha Samuel niwe mukinnyi wegukanye Tour du Rwanda ari umwana (afite imyaka mike) akaba yarabikoze yegukana Tour du Rwanda ya 2018, ubwo yari afite imyaka 20 n'iminsi 250. Lill Darren niwe wegukanye Tour du Rwanda akuze aho yabikoze muri Tour du Rwanda ya 2012, afite imyaka 30 n'iminsi 97.
AMWE MU MAFOTO YARANZE AGACE KA 6 KA TOUR DU 2025
