Carlo Ancelotti abona ikibazo Real Madrid ifite ari Kylian Mbappé

Ikipe ya Real Madrid ikomeje kugorwa n'umwaka w'imikino wa 2024/25 nyuma y'uko iguze Kylian Mbappé benshi babonaga nk'igisubizo.

Iyi kipe iheruka kunyagirwa na FC Barcelona ibitego 4-0 kugeza ubu iri ku mwanya wa 2 aho irushwa amanota 9 na FC Barcelona iri ku mwanya wa 1 naho muri UEFA Champions League ikaba iri ku mwanya wa 12 n'amanota 6.

Umutoza wa Real Madrid, Carlo Ancelotti mu minsi yashize yagiye avuga ko yifuza kubona byinshi kuri Kylian Mbappé kandi ko bizakunda.

Ikinyamakuru Daily Mail cyanditse ko uyu mutoza abona ikibazo cy'ingutu iyi kipe ifite kiri no gutuma batitwara neza uko bikwiye ari uyu mukinnyi ukinira n'ikipe y'igihugu y'u Bufaransa.

Uyu mutoza avuga ko mu gihe badafite umupira nta cyo uyu mukinnyi abafasha ndetse akaba atanakora ibirometero byinshi mu mukino nk'aho ku mukino na FC Barcelona yirutse ibirometero ibihumbi 8 gusa.

Kugeza ubu Kylian Mbappé w'imyaka 25 amaze gukina imikino 14 kuva yagera muri Real Madrid akaba yaratsinzemo 8. Mu mugoroba wo kuri uyu wa Kabiri iyi kipe iraba yakiriye AC Milan kuri Santiago Bernabeu mu mukino wo ku munsi wa Kane wa UEFA Champions League.

Carlo Ancelotti avuga ko ikibazo Real Madrid ifite ari Kylian Mbappé