Abakinnyi barindwi b'ikipe ya Chavuma Town Council FC yo muri Zambia bitabye Imana bazize impanuka y'imodoka yari ibatwaye ubwo bari bagiye gukina umukino wa shampiyona yo muri iki gihugu.
Ni impanuka yabaye mu mpera z'icyumweru dusoje ibera ahitwa Zambezi ubwo imodoka iyi kipe yarimo yagongana n'indi.
Ishyirahamwe ry'umupira w'amaguru muri Zambia (Faz) ryatangaje ko ryababajwe n'iyi mpanuka. Umuyobozi w'ishyirahamwe ry'umupira w'amaguru muri Zambia, FAZ, Andrew Kamanga yavuze ko barimo barakorana n'abandi bayobozi bo mu mupira w'amaguru muri iki gihugu nk'abashinzwe umutekano kugira ngo bamenye icyateye iyi mpanuka.
Usibye abakinnyi barindwi bapfiriye muri iyi mpanuka kandi hari n'abandi 12 bakomeretse bakaba barahise bajyanwa mu bitaro.
Abapfuye barimo uwitwa Makina Gedion w'imyaka 26, Chiteta Raymond w'imyaka 22, Kanshimba Kenneth w'imyaka 38, Kapalu Donny w'imyaka 30, Steven Tembo w'imyaka 21 na Kaumba Chitale w'imyaka 20.
Umuyobozi w'impuzamashyirahamwe y'umupira w'amaguru ku mugabane w'Afurika, CAF, Dr Patrice Motsepe yavuze ko yababajwe n'ibi byabaye anahinganisha abo mu miryango y'abitabye Imana.
Eng
RSS 
TANGA IGITECYEREZO