Ikipe ya Manchester United yirukanye Umuhorandi Erik Ten Hag wari umutoza wayo mukuru nyuma yuko iyi kipe yari imaze iminsi ititwara neza.
Ibi iyi kipe niyo yabitangaje kuri uyu Wa Mbere taliki ya 28 Ukwakira 2024 ibinyujije ku mbugankoranyambaga zayo. Manchester United yavuze ko ishinira Erik Ten Hag kubintu byose yakoze mugihe yamaranye nayo ndetse imwifuriza ibyiza mu gihe kizaza .
Iyi kipe Kandi yavuze ko Ruud Van Nistelrooy wari umutoza w'ungirije ariwe ugiye ugiye gusigara ari umutoza mukuru mu gihe hagishakwa undi uzafata izi nshingano mu gihe kirambye.
Ibi bibaye nyuma yuko Manchester United yari imaze igihe ititwara neza ndetse ku munsi wejo ku Cyumweru ikaba yaratsinzwe na West Ham United muri shampiyona. Kuri ubu iyi kipe iri kumwanya wa 14 n"amanota 11 ndetse n'umwenda w'ibitego 3.
Ni mu gihe kandi muri Europa League ho Manchester United iri kumwanya wa 21 mu makipe 36 aho yanganyije imikino 3 imaze gukina.
Erik Ten Hag yari yarageze muri Manchester United muri Mata muri 2022 akaba yarayihesheje ibikombe 2 aribyo icya Carabao Cup na FA Cup.
Muri rusange imibare yerekana ko yatojemo imikino 128,atsindamo imikino 70,anganya imikino 23 naho atsindwa imikino 35.
Manchester United yirukanye Erik Ten Hag
Eric Ten Hag asize inkuru mbi imusozi aho yatumye Man United iba insina ngufi
Eng
RSS 
TANGA IGITECYEREZO