Chelsea yiteguye gute umwaka mushya w'imikino?

Chelsea ifitiye umwenda abakunzi bayo kuko yasoje umwaka w'imikino ari iya Gatandatu, ikabura amahirwe yo kwitabira irushanwa na rimwe ryo ku mugabane w'iburayi yaba Champions League na Europa League. 

Nyuma y'uko yari isoje umwaka w'imikino idahagaze neza, abakunzi bayo bari biteze ko izitwara neza ku isoko ry'igura n'igurisha, gusa kugeza ubu ntabwo iranezeza abakunzi bayo .

Abakinnyi bashya Chelsea iri kwitegura gukoresha muri Shampiyona ya 2024-25 harimo abo imaze gusinyisha, gusa ntabwo bari ku rwego rw'abo abakunzi bayo bifuzaga. 

Chelsea yamaze gusinyisha umwongereza Tosin Adarabioyo wakiniraga Fulham. Ni umukinnyi wageze muri iyi kipe nta mafaranga atanzweho cyane ko yari amaze gusoza amasezerano muri Fulham.

Chelsea kandi yatanze Miliyoni 56£ muri Palmeiras kugira ngo yegukane Estevao Willian. Yatanze Miliyoni 19£ kugira ngo yegukane umwongereza Omari Kelly Man wakiniraga Aston Villa. Abandi bakinnyi yamaze kugura ni umunya-Espagne Marc Guiu wakiniraga FC Barcelona, uyu mukinnyi ikaba yaramutanzeho Miliyoni 5£.

Umukinnyi wa mbere Enzo Maresca yaguze akigera muri Chelsea ni Kiernan Dewsbury-Hall n'ubundi akaba yari asanzwe amutoza muri Leicester City. Kugira ngo Chelsea yegukane Kiernan Dewsbury-Hall byayitwaye Miliyoni 30£. 

Kugeza ubu Chelsea itegereje kongera kwakira umunya Portugal Joao Félix umaze iminsi akinira FC Barcelona. Si ubwa mbere azaba akiniye Chelsea, cyane ko yatijwe muri FC Barcelona aho yari avuye muri Chelsea, naho akaba yari yarahageze atijwemo na Atletico Madrid. 

Nubwo Chelsea ikomeje kwiyubaka igura abakinnyi hari abo yamaze gushyira ku isoko isaha ku isaha bakazayivamo. Abo ni Armando Broja, Romelu Lukaku, Trevoh Chalobah n'abandi.

Iyi kipe kandi iherutse gukora ikosa rikomeye cyane itandukana na Kapiteni wayo Conor Gallagher ukina mu kibuga hagati, akaba yaragiye muri Atletico Madrid. Umwaka w'imikino ushize, uyu mukinnyi yakunze gugaragaza imbaraga zidasanzwe mu kibuga hagati, ariko Chelsea yemeye kumutakaza. 

Bamwe mu bakinnyi bo kwitega muri Chelsea 

Mykhailo Mudryk

Christopher Nkunku

Enzo Fernandez 

Moises Caicedo 

Axel Disasi

Benjamin Chilwell

Trevoh Chalobah

Marc Cuculella

Recee James

Cole Palmer

Moises Caicedo

Noni Madueke

Wesley Fofana

Nikolas Jackson

Romeo Lavia

Raheem Sterling... 

Chelsea izamanuka mu mwaka w'imikino iri kumwe n'umutoza mushya Enzo Maresca 

Christopher ari mu nkingi za mwaba Chelsea izaba icungiyeho

Chelsea yiteguye kongera kwakira Joao Félix 

Chelsea yakoze ikosa ryo kurekura Kapiteni Conor Gallagher