Menya bimwe mu byaranze uyu munsi mu mateka y’Isi

Tariki 10 Kanama ni umunsi wa 223 mu minsi igize umwaka ugendeye ku ngengabihe ya Gregoire. Hasigaye iminsi 142 kugira ngo uyu mwaka ugere ku musozo.

Ku bafite imyemerere ya gikirisitu Gatolika ni umunsi mukuru wizihizwaho mutagatifu Lawrence wa Roma.

Bimwe mu byaranze uyu munsi:

1793: Inzu ndangamurage ya Louvre yafunguwe ku mugaragaro.

1821: Missouri yagizwe ku mugaragaro Leta ya makumyabiri na kane, mu zigize Leta Zunze Ubumwe za Amerika.

1971: Hashinzwe ishyirahamwe ry’abakina umukino w’amaboko wa Baseball muri Leta Zunze Ubumwe za Amerika, iri shyirahamwe ryafunguriwe ku mugaragaro mu Mujyi wa New York.

1990: Abayisilamu barenga 127 bishwe n’inyeshyamba mu Majyaruguru ashyira Iburasirazuba ya Sri Lanka.

2003: Ku nshuro ya mbere mu Bwongereza hagaragaye igipimo cy’ubushyuhe gihanitse kirenze degere Celsius 38, kigera kuri 38, 5.

2006: Ishami rya Polisi yo mu Bwongereza ryitwa Scoltland Yard ryaburijemo igitero cy’ubwiyahuzi cyari guhitana abagenzi bari mu ndege yavaga mu Bwongereza yerekeza muri Leta Zunze Ubumwe za Amerika.

2009: Abantu makumyabiri baguye mu mpanuka y’ikirombe, giherereye mu gace ka Handlová, iyi ni yo mpanuka ikaze kurusha izindi mu mateka ya Slovakia yatewe n’inkangu.

Abavutse kuri uyu munsi:

1874: Hebert Hoover wabaye Perezida wa mirongo itatu n’umwe wa Leta Zunze Ubumwe za Amerika.

1979: Umukozi n’umwanditsi wa Film ukomoka muri Leta Zunze Ubumwe za Amerika, Ted Geoghegan.

Abitabye Imana kuri uyu munsi:

2007: Henry Cabot Lodge Bohler, Umupilote wa gisirikare waharaniraga uburenganzira bwa muntu.

2010: Adam Stansfield, umukinnyi w’umupira w’amaguru wakiniraga ikipe ya Exeter City FC.