Myugariro w'ikipe y'igihugu "Amavubi", Buregeya Prince yerekeje mu gihugu cya Irag mu ikipe ya Al Nasiriya Sports Club.
Hashize
iminsi igera kuri ibiri myugariro Buregeya Prince asinyiye iyi kipe ya Al
Nasiriya Sports Club ikina icyiciro cya kabiri. Uyu musore wari umaze imyaka
isaga 5 ari muri APR FC yasinye amasezerano y'umwaka umwe akaba azajya ahembwa
ibihumbi bisaga bitanu by'idorari.
Iyi
kipe ya Al Nasiriya Sports Club yari yabanje gushaka myugariro Usengimana
Faustin ariko atinda kuyemerera, birangira bahisemo gusinyisha Buregeya Prince. Buregeya
Prince biteganyijwe ko azafata indege muri Nzeri uyu mwaka, kuko shampiyona
y'icyiciro cya kabiri muri Iraq izatangira mu Ukwakira.
Ikipe
ya Al Nasiriya Sports Club yashinzwe mu 1961 ikaba ikinira mu gace ka An
Nasiriyah Dhi Qar Governorate aho yakinira imikino yayo kuri An Nasiriyah
Stadium yakira ibihumbi 10 by'abafana bicaye neza.
Buregeya Prince yigeze gukora amateka mu 2019 yo gukinira APR FC imikino yose ya shampiyona uko ari 30
Yakiniye Amavubi mu byiciro bitandukanye guhera mu bato
Eng
RSS 
TANGA IGITECYEREZO