Rayon Sports yatsinze Muhazi United, Haruna Niyonzima yoza amaso - AMAFOTO + VIDEO

Igitego cya Charles Bbaale yatsinze mu gice cya kabiri, ni cyo cyafashije ikipe ya Rayon Sports kwikura imbere ya Muhazi United mu mukino wa gicuti wabaye mu buryo bwo kurushaho kubaka aya makipe yitegura umwaka w'imikino 2024-25. 

UKO UMUKINO WAGENZE 

90+5" Umukino urarangiye

90" Umusifuzi yongeyeho iminota 5 kugira ngo umukino urangire

85" Rayon Sports ikoze impinduka Adama yinjira mu kibuga asimbuye Richard

Elenga Kanga uri gukina umukino we wa kabiri muri Rayon Sports, arimo arazamura urwego umunsi ku munsi.

72" Goallllll Rayon Sports ibonye igitego gitsinzwe na Bbaale ku mupira ahawe na Ekanga Junior 

61" Ikipe ya Rayon Sports ihushije igitego ku mupira uzamukanwe na Bugingo, awuhereza Bbaale wari imbere y'izamu neza ahita awamurura.

58" Haruna Niyonzima yinjiye mu kibuga asimbuye Rukundo. Haruna Niyonzima hari haciye imyaka 17 adakinira ikipe ya Rayon Sports, akaba yongeye kuyigarukamo. 

45" Igice cya kabiri kiratangiye

Ikipe ya Rayon Sports ikoze impinduka abakinnyi nka Muhire Kevin, Paul Jesus, Iraguha Hadjiri Niyonzima Olivier bakaba bavuye mu kibuga hinjira Ishimwe Fiston, Aruna Moussa, Bbaale na Kanga Junior

45+4" Igice cya mbere kirarangiye ku makipe yombi, akaba agiye kuruhuka anganya ubusa ku busa

45" Umusifuzi yongeyeho iminota 4 y'inyongera kugira ngo igice cya mbere kirangire

41" Umutoza wa Rayon Sports, Robertinho ahagurukije abakinnyi hafi ya bose bari ku ntebe y'abasimbura ngo bajye kwishyushya, bashobora kugaruka mu gice cya kabiri ari bo bakina.

25" Ikipe ya Muhazi United kugera imbere y'izamu byayibanye ikizamini, umuntu yavuga ko Babuwa Samson uri kwatakira Muhazi avuye muri Sunrise FC ataribona neza

Abakinnyi Rayon Sports yabanje mu kibuga

Khadime Ndiaye 

OMAR GNING 

Ombolenga Fitina

Aimable Nsabimana

Bigingo Hackim

Niyonzima Olivier Saif

Richard Ndayishimiye

Mukire Kevin

Jesus Paul

Iraguha Hadji 

Rukundo

16" Rayon Sports ihushije igitego cyari cyabazwe ku mupira Richard ahaye Iraguha Hadjiri acenga umunyezamu wa Muhazi United ateye mu izamu ryambaye ubusa umupira ujya hanze.

15" Rayon Sports ihushije igitego ku mupira uzamukanwe na Ombolenga Fitina ugana mu rubuga rw'amahina, ashaka Muhire Kevin ariko agerageje kuwutera ntiwajya ku kirenge neza.

Abakinnyi 11 Muhazi United yabanje mu kibuga

Ignace

Serge

Ashraf

Yvan

Bruno

Jean

Socky

Coleb

Amani

Badru

Babuwa

05" Rayon Sports ihushije igitego ku mupira ukomeye urekuwe na Iraguha Hadji umupira ukubita umutambiko w'izamu ujya hanze

Haruna Niyonzima ntarabasha kubanza mu kibuga kuva yagurwa

Muhire Kevin yabanje mu kibuga mu mukino we wa mbere nyuma yo kongera amasezerano

Kubwimana Cedric wahoze muri Mukura, ubu ni umukinnyi wa Muhazi United yasinyiye mu cyumweru gishize

15:46" Reka twongere tubahe ikaze kuri sitade ya Kigali Pele ahatangiye umukino wa gicuti uri guhuza Rayon Sports na Muhazi United, umukino ukaba utangijwe na Muhazi United ku mupira utewe na Babuwa Samson.

15:40" Amakipe yombi avuye mu rwambariro, akaba agiye gufata amafoto y'urwibutso ubundi umukino utangire

15:30" Amakipe yombi asubiye mu rwambariro, akagaruka umukino utangira

15:20" Harabura iminota 10 gusa kugira ngo umukino utangire, ariko amakipe aracyari mu kibuga. Ni umukino ugiye kubera kuri Sitade ya Kigali Pele, ugatangira ku isaha ya Saa 15:30 pm nta gihindutse.

Umukino ikipe ya Rayon Sports igiye kuwukoresha nk’umukino ugomba kubereka ishusho y’ikipe bazajyana mu mukino w’umunsi w’igikundiro, bazahuramo na Azam FC kuri uyu wa Gatandatu. Muhazi United nayo irakoresha uyu mukino mu buryo bwo gukomeza kureba ikipe yabo ndetse n’urwego rw’abakinnyi bashya bafite.

Ni umukino wa 3 wa gicuti ikipe ya Muhazi United igiye gukina, nyuma y'umukino yanganyijemo na Vision FC igitego 1-1, umukino wa kabiri itsindwa na Police FC ibitego 3-0. Rayon Sports kuva ku mukino wo gutaha Sitade Amahoro, uyu ni umukino wa 5 igiye gukina yitegura umwaka w'imikino ugiye kuza.

Saa 14:00 Pm zageze Sitade icyambaye ubusa

Ibyo kunywa bya SKOL byose birahabaye, nta cyaka ushobora guhura nacyo

AMAFOTO: Ngabo Serge 

VIDEO: Eric Muntantore