FPR
RFL
Kigali

Man United, Arsenal na Chelsea ziramwifuza! Ibyo wamenya kuri Rutahizamu wa Lille Jonathan David

Yanditswe na: ISHIMWE Walter
Taliki:24/06/2024 16:39
0


Umunya Canada ukinira ikipe ya Lille mu Bufaransa Jonathan David, akomeje gushakishwa n'amakipe akomeye i Burayi arangajwe imbere na Manchester United, Arsenal na Liverpool zo mu Bwongereza.



Mu 2000, ku itariki 14 Mutarama, ni bwo Jonathan David yabonye izuba, avukira i New York mu gace Brooklyn, aho muri Leta Zunze Ubumwe za Amerika. 

Nubwo yavukiye New York mu gace ka Brooklyn, ubwo yari agize amezi atatu, ababyeyi be Jean na Rose bavuye muri Brooklyn muri Leta Zunze Ubumwe za Amerika, bimukira Ottawa muri Canada. 

Ubwo yari afite imyaka 10 y'amavuko, yatangiye urugendo rwo gukina umupira w'amaguru, arutangirira muri Gloucester Dragons Academy, ayivamo mu 2011 afite imyaka 11 y'amavuko. 

Muri 2011, Jonathan David yavuye muri Gloucester Dragons, ajya muri Ottawa Gloucester Hornets aho yavuyemo muri 2015 afite imyaka 15 y'amavuko. 

Kuva 2016, yerekeje muri Ottawa Internationals, ayikinira kugera muri 2018, ayivamo ajya muri Gent academy yo mu Bubiligi. 

Muri uwo mwaka wa 2018 kandi Jonathan David wari ufite imyaka 18 y'amavuko, yazamuwe muri Gent nkuru, ayikinira kugera muri 2020. Mu myaka ibiri yamaze akinira Gent nkuru, yayikiniye imikino 60, ayitsindira ibitego 30.

Muri 2020, Lille yabengutswe Jonathan David wakiniraga Gent, iramugura, kugeza ubu niyo agikinira. Kuva yagera muri Lille, amaze kuyikinira imikino 146, amaze kuyitsindira ibitego 71.

Ubwo yari afite imyaka 17 y'amavuko muri 2017, yahamagawe mu ikipe y'igihugu ya Canada mu batatengeje Imyaka 17, yayikiniye imikino itatu, ayitsindira igitego bibiri. 

Muri 2018, yabonye amahirwe yo gukinira Canada mu batatengeje Imyaka 23, yayikiniye imikino ibiri, nta gitego na kimwe yayitsindiye. 

Mu ikipe nkuru y'igihugu ya Canada, Jonathan David yatangiye kuyikinira muri 2018, ubu amaze kuyikinira imikino 49, amaze kuyitsindira ibitego 26.


Manchester United irangaje imbere amakipe yifuza umunya Canada Jonathan David 


Nubwo akinira ikipe y'igihugu ya Canada, Jonathan David yavukiye i Brooklyn muri Leta Zunze Ubumwe za Amerika 


Jonathan David ni umwe muri ba rutahizamu bahagaze neza mu Bufaransa 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND