Rema uri mu bihe byiza n’umugabo we yatewe utwatsi na Eddy Kenzo babyaranye

Kenzo yavuze ko atumva neza ukuntu umwana muto akwiriye gushyirwa ku mbuga nkoranyambaga.

Mu butumwa bwe yagize ati: "Amakosa twakoze tukiri bato ntabwo dukwiriye kongera kuyakora, iyo hari ikosa wigeze gukora uba ugomba gukora ku buryo utaryongera."

Eddy Kenzo yabigarutseho asubiza abamubazaga impamvu atarasangiza abamukurikira amashusho cyangwa amafoto y’umwana yabyaranye na Phiona Nyamutooro.

Yongeye kwerekana ko gushyira hanze umwana ukiri muto ku mbuga nkoranyambaga bidakwiriye ati: "Abana banjye byanjye bikunde bazaba ibyamamare mu buryo bumwe n’ubundi ariko iyo bakingana gutya mba ngomba kubarinda nyeneye kugira ngo bakure."

Rema Namakula babyaranye we si ko abibona, ntiyumva ikibazo kiri mu gusangiza ibihe byiza umwana arimo kunyuramo ku mbuga.

Ubwo yabazwaga ku mwanzuro wo gushyira hanze amashusho y’umwana muto yagize ati: "Iyo ari umwana wawe wamutwara mu buryo bwose wifuza."

Avuga ko gushyira hanze amashusho y’umwana we ari uburenganzira adafite gusaba uwo ari we wese.

Rema ari mu bihe byiza n’umugabo we yanazirikanye ku munsi wahariwe umugabo wizihijwe mu mpera z’icyumweru gishize.

Rema yagize ati: "Umunsi mwiza w’ababyeyi b’abagabo, turi abanyamugisha n’abanyamahirwe, uyu munsi ndakwizihiza, ejo hazaza n’iteka ryose."Eddy Kenzo yagaragaje ko bidakwiriye ko umubyeyi ashyira hanze amashusho y'umwana ukiri muto Hamza umugabo wa Rema Namakulla yifurijwe n'uyu muhanzikazi umunsi mwiza w'ababyeyi b'abagaboMu bihe bitandukanye Rema asangiza abamukurikira amashusho n'amafoto y'umuryango we arimo n'umwana yabyaranye na Eddy Kenzo