Mu itsinda rya kabiri ariryo B muri Copa America 2024, ririmo ikipe y'igihugu ya Mexico, Ecuador, Venezuela na Jamaica.
1. Mexico
Ikipe y'igihugu ya Mexico iri ku isonga mu bihugu byitezweho kuyobora itsinda B, kubera ko umupira wayo uri ku isonga muri America yo gahati. Mexico muri Copa America 2024, izaba iyobowe n'umutoza mukuru Jaime Lozano.
Bimwe mu byatunguye abafana ba Mexico, ni uko ubwo umutoza yahamagaraga abakinnyi azifashisha muri Copa America 2024, yasize abakinnyi bakuru nka Guillermo Ochoa, Raul Jiménez, Hirving Lozano na Jesus Gallardo, avuga ko agiye guha umwanya abakinnyi bakiri bato.
Ikipe y'igihugu ya Mexico, si agafu k'imvugwarimwe muri Copa America, kubera ifite iki gikombe inshuro ebyiri. Muri 1993 na 2001 ni bwo Mexico yegukanye Copa America ebyiri yibitseho.
Bamwe mu bakinnyi bo kwitega mu ikipe y'igihugu ya Mexico ni Jordan Carrillo (Santos), Erick Sanchez (Pachuca), Orbelin Pineda (AEK Athens), Roberto Alvarado (Guadalajara) na Luis Chavez (Dynamo Moscow)
2. Ecuador
Ikipe y'igihugu ya Ecuador, ni kimwe mu bihugu byitezweho kuzatanga akazi muri Copa America 2024, gusa nta mahirwe yo kugitwara iki gihugu gifite.
Ecuador ifite iki gikombe yakinnye imikino ya nyuma inshuro ebyiri, gusa ntacyo yatwaye. Bwa mbere hari mu 1959 ubwo cyakinwaga ku nshuro ya kabiri, no mu 1993.
Muri Leta Zunze Ubumwe za Amerika mu mikino ya Copa America, Ecuador izaba irangajwe imbere n'umutoza Félix Sánchez Bas. Abakinnyi batatu bo kwitega mu ikipe y'igihugu ya Ecuador ni Piero Hincapié, Enner Valencia na Moises Caicedo.
Ubudasa ku ikipe y'igihugu ya Ecuador muri Copa America 2024, ni uko ari kimwe mu bihugu biri kuzamura abakinnyi bakiri bato kandi bakomeye. Muri abo bakinnyi higanjemo rutahizamu Enna Valencia, Moises Caicedo ukina mu kibuga hagati muri Chelsea na myugariro Piero Hincapié wa Bayer Leverkusen.
3. Venezuela
Ikipe y'igihugu ya Venezuela ni imwe mu makipe agize itsinda rya gatatu.
Iyi kipe nta mateka ahambaye ifite muri iri rushanwa, kubera ko kure yageze ari muri kimwe cya kabiri ariko icyo gihe ikaba yarasoreje ku mwanya wa kane, aho hari muri 2001.
Venezuela ubusanzwe itazwi mu mupira w'amaguru, muri Copa America 2024 izaba iyobowe n'umutoza mukuru Fernando Batista. Bamwe mu bakinnyi bo kwitega mu ikipe y'igihugu ya Venezuela ni Jeferson Soteldo, Yangel Herrera na Salomón Rondón.
4. Jamaica
Ikipe y'igihugu ya Jamaica ni imwe imwe mu makipe azitabira Copa America 2024, gusa nta mahirwe yo kugira igikomeye iyi kipe izagira.
Venezuela muri Copa America 2024, izaba iyobowe n'umutoza mukuru Heimir HallgrÃmsson watangiye kuyitoza mu mwaka ushyize. Ikipe y'igihugu ya Venezuela izaba yitabiriye iri rushanwa ku nshuro ya gatatu. Inshuro ebyiri Venezuela yitabiriye Copa America, hari muri 2015 na 2016.
Nta kure ikipe y'igihugu ya Venezuela yigeze igera mu marushanwa ya Copa America, kubera ko izo nshuro ebyiri yitabire, zombi yabaga iya Nyuma mu itsinda. Abakinnyi batatu bo Kwitega mu ikipe y'igihugu ya Venezuela ni Bobby Decordova-Reid, Shamar Nicholson na Cory Burke.