FPR
RFL
Kigali

Euro 2024: Ikipe y'igihugu y'u Budage yatangiye itanga ubutumwa yisengerera Scotland

Yanditswe na: Aloys Niyonyungu
Taliki:14/06/2024 20:37
0


Ikipe y'igihugu y'u Budage yatangiye irushanwa rihuza amakipe y'ibihugu yo ku mugabane w'Iburayi rya Euro ya 2024 itanga ubutumwa ko ishaka igikombe inyagira Scotland.




Ni mu mukino ufungura iri rushanwa riri kubera mu Budage wabereye kuri Allianz Arena kuri uyu Wagatanu Saa tatu z'ijoro wo mu itsinda A.

Uko umukino wagenze umunota ku munota:

Umukino urangiye ikipe y'igihugu y'u Budage itsinze Scotland ibitego 5-1

90+2' U Budage bubonye igitego cya 5 gitsinzwe na Emre Can ku mupira yarahawe na Thomas Muller 

Umukino wongeweho iminota 3

87' Ikipe y'igihugu ya Scotland ibonye igitego cya 1 giturutse kuri myugariro w'ikipe y'igihugu y'u Budage, Antonio Rüdiger witsinze ku mupira waruturutse kuri kufura itewe na Andrew Robertson 

84' Leroy Sane akomeje gukina ashaka igitego ku bubi no kubwiza,azamukanye umupira yihuta ageze imbere y'izamu arekura ishoti gusa birangira rinyuze hejuru y'izamu kure

80' Thomas Muller ahaye umupira mwiza kapiteni, Ilkay Gundogan gusa birangira awusize 

75' U Budage bwari bubonye  igitego cya 5 gitsinzwe na  Niclas Füllkrug gusa umusifuzi avuga ko habayemo kurarira 

72' Ikipe y'igihugu y'u Budage ikoze impinduka mu kibuga havamo Jamal Musiala hajyamo Thomas Muller 

68' U Budage bubonye igitego cya 4 gitsinzwe na Niclas Füllkrug ku mupira yarahawe na Ilkay Gundogan 






67' Steve Clarke utoza ikipe y'igihugu ya Scotland akoze impinduka mu kibuga akuramo Callum McGregor na John McGinn hajyamo Billy Gilmour na Kenny McLean

63' Julian Nagelsmann yongeye gukora impinduka mu kibuga akuramo Kai Havertz  na Florian Wirtz ashyiramo Niclas Füllkrug na Leroy Sane 

61' Scotland yari ibonye uburyo ku mupira warufashwe na Ryan Christie gusa birangira Jonathan Tah amukoreyeho ikosa ndetse anahabwa ikarita y'umuhondo 

57' Florian Wirtz arase igitego ku mupira waruzamuwe na Jamal Musiala gusa arekuye ishoti rinyura hejuru y'izamu 

50' Antonio Rüdiger arekuye ishoti riremeye ari nko muri metero 20 gusa umunyezamu wa Scotland,Angus Gunn arishyira muri koroneri itagize icyo itanga 

48' Ikipe y'igihugu y'u Budage ikomeje guhererekanya neza ishaka uko yabonamo inzira ishaka igitego cya 4

46' Igice cya kabiri gitangiye umutoza w'ikipe y'igihugu y'u Budage, Julian Nagelsmann akora impinduka mu kibuga akuramo Robert Andrich hajyamo Pascal GroB

45+3' Igice cya mbere kirangiye ikipe y'igihugu y'u Budage iyoboye n'ibitego 3-0

Umukino wongeweho iminota 3

44' iyi penariti itewe na Kai Havertz ayitereka mu nshundura igitego cya 3 cy'igihugu cy'u Budage kiba kirabonetse 

43' Umusifuzi w'Umufaransa,Clement Turpin ahise anatanga penariti ku ikosa Ryan Porteous yarakoreye Ilkay Gundogan ubwo yari agiye kongera gutera umupira bwa kabiri ndetse uyu myugariro wa Scotland ahita anahabwa ikarita y'umutuku 

41' ikipe y'igihugu y'u Budage irase igitego cyabazwe ku mupira urekuwe na Joshua Kimmich maze Ilkay Gundogan ashyizeho umutwe gusa umuzamu awukuraho urongera uramugurkira agiye kurekura ishoti bamukuraho uhita  umupira usanga Toni Kroos nawe arekura ishoti gusa ha myugariro ba Scotland barishyira muri koroneri 

37' Ikipe y'igihugu ya Scotland ibonye kufura iterwa na Scot Mc Tominay gusa birangira ba myugariro b'u Budage bayikuyeho

32' Kugeza kuri ubu Scotland iri guhererekanya ku gero cya 34 % mu gihe u Budage bwo ari ku kigero cya 66%

26' Ikipe y'igihugu y'u Budage yashoboraga kubona  penariti ku ikosa Kieran Tierney akoreye Jamal Musiala gusa birangira umusifuzi atanze kufura maze iterwa na Toni Kroos ayihereje Kai Havertz arayitera umunyezamu ayifata nta nkomyi 

23' Ikipe y'igihugu y'u Budage irimo irakina n'umunyezamu wa Scotland, Angus Gunn arwana no gukura imipira imbere y'izamu gusa

18' u Budage bubonye igitego cya 2 gitsinzwe na Jamal Musiala ku kazi keza Kari kabanje gukorwa na Kai Havertz acenga ahita amuha umupira 



15' Nyuma yo gufungura amazamu,abasore b'u Budage bakomeje guhererekanya umupira babikorera mu kibuga hagati 

10' Ikipe y'igihugu y'u Budage ibonye igitego gitsinzwe na Florian Wirtz ku mupira yarahawe na Joshua Kimmich 

6'Abasore ba Scotland barimo batangiye kugerageza bareba uko bagera imbere y'izamu gusa myugariro, Antonio Rüdiger yabaye ibamba 

2' Rutahizamu w'u Budage,Wirtz yarabonye uburyo gusa asifurwa ko yaraririye

1' Umupira utangijwe n'ikipe y'igihugu y'u Budage 

Abakinnyi 11 b'ikipe y'igihugu y'u Budage babanje mu kibuga: 

Neuer

Kimmich

Rüdiger

Tah

Mittelstädt

Andrich

Kroos

Musiala

Gündogan

Wirtz

Havertz

Abakinnyi 11 b'ikipe y'igihugu ya Scotland babanje mu kibuga:

Gunn

Ralston

Porteous

Hendry

Tierney

Robertson

McTominay

Christie

McGregor

McGinn

Che Adams

Uyu niwo mukino wa mbere muri 51 iteganyijwe mu irushanwa rya Euro ya 2024 rigiye gukinwa ku nshuro ya 17 kuva ryatangira gukinwa mu mateka. 

Iyi ni inshuro ya 3 ikipe y'igihugu y'u Budage igiye gukina na Scotland mu marushanwa akomeye. U Budage bwatsinzemo imikino 2 irimo uwo batsinzemo ibitego 2-1 mu gikombe cy'Isi cyo mu 1986 ndetse n'uwo yatsinzemo ibitego 2-1 muri Euro yo mu 1992.

Ikipe y'igihugu ya Scotland yo uwo yatsinze ni uwo yatsinzemo igitego 1-0 hakaba hari mu 1992.

Ikipe y'igihugu y'u Budage igiye gukina iri rushanwa ku nshuro ya 14, mu mateka yayo ikaba yararyegukanye mu 1972 ,1980 ndetse no mu 1996 butsinze Czech Republic ibitego 2-1 ku mukino wa nyuma gusa ubuheruka bwari bwagarukiye muri 1/8 butsinzwe n'ikipe y'igihugu y'u Bwongereza ibitego 2-0.

Ikipe y'igihugu ya Scotland yo ni inshuro ya 4 igiye gukina iri rushanwa rya Euro gusa ntabwo irarenga itsinda n'inshuro n'imwe. Muri rusange imaze gukina imikino 9, ikaba yaratsinzemo 2,inganya 2 maze batsindwa 5 naho binjiza ibitego 5 maze binjizwa 10.

Uko myugariro wa Scotland ,Ryan Porteous  yakoreye ikosa Ilkay Gundogan ndetse bigatuma ahabwa ikarita y'umutuku naho u Budage bugahabwa penariti 

Uko ibirori byo gufungura Euro byari byifashe






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND