FPR
RFL
Kigali

Babu waburanye yemera icyaha yasabiwe gufungwa umwaka umwe

Yanditswe na: Abitije Seraphin Elise
Taliki:13/06/2024 10:41
0


Kuri uyu wa 13 Kamena 2024 ni bwo Rugemana Amen [Babu] usanzwe akorera Isibo TV yaburanye ku birego aregwa ari byo gukubita no gukomeretsa.



Urubanza rwabereye mu rukiko rw'ibanze rwa Kicukiro ruherereye mu Kagarama kuri uyu wa Kane tariki 13 Kamena 2024. Umucamanza yatangiye asobanura ko hagiye kuburanishwa Imanza Nshinjabyaha.

Babu yaburanye agira ati: "Uwo twagiranye ikibazo twiyemeje kwiyunga twari twabishyize muri system." Ubushinjacyaha bwasabye ko yafungwa umwaka umwe ndetse agatanga n'ihazabu y'ibihumbi magana atatu (300,000 Frw).

Ku byo gutanga imbabazi, umucamanza yavuze ko bidakuraho ko yakoze icyaha. Kuwa 21 Kamena 2024 ni bwo Babu azasomerwa.

Babu yatawe muri yombi ahagana saa Munani z'ijoro ryo ku Cyumweru tariki 2 Kamena 2024 akurikiranyweho icyaha cyo gukubita no gukomeretsa.

Umuvugizi wa RIB, Dr Murangira mu kiganiro aherutse kugirana na InyaRwanda, yasabye abantu kujya boroherana, igihe bagiranye ibibazo cyangwa se bakitabaza inzego zibishinzwe kugirango bafashwe gukemura ikibazo.

Ati "Turasaba abantu kujya boroherana, umuti si ukurwana kugeza ubwo wakomeretsa mugenzi wawe, igihe mugiranye ikibazo egera inzego zibishinzwe zigufashe'.

Yavuze ko Babu yakomerekeje uwo barwanaga ku jisho mu buryo bukomeye.

Ikirego Babu akurikiranweho cyakorewe muri Crystal Lounge imwe mu nzu zigezweho mu bijyanye n'imyidagaduro.






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND