Usibye kuba ari umutoza uri kuzamuka neza, Enzo Maresca yabaye icyogere mu guconga ruhago, yamenyakanye mu makipe yo mu Butaliyani nka Juventus ndetse n'ayandi.
Ku itariki 10 Gashyantare 1980 ni bwo Enzo Maresca yabonye izuba, avukira mu gace ka Pontecagnano Faiano mu Butaliyani.
Enzo Maresca ku myaka 11 y'amavuko yatangiye gukina umupira w'amaguru, atangirira mu bakiri bato ba AC Milan, ayivamo mu 1994 ubwo yari afite imyaka 14.
Mu 1994, Enzo Maresca yavuye muri Milan AC, ajya muri Cagliari ayikinira kugera mu 1998 ubwo yari afite imyaka 18 y'amavuko.
Muri 1998, Enzo Maresca wakiniraga Cagliari mu bakiri bato, yatandukanye nayo, ajya mu Bwongereza gukinira West Bromwish Albions, atangira gukina nk'umukinnyi wabigize umwuga.
Enzo Maresca yakiniye West Bromwish Albions imyaka ibiri, kuko yatandukanye nayo mu 2000. Enzo Maresca yakiniye West Bromwish imikino 47, ayitsindira ibitego bitanu.
Muri 2000, Juventus yabengutse ubuhanga bwa Enzo Maresca, imugura muri West Bromwish, imusinyisha imyaka imyaka ine.
Mu gihe Enzo Maresca yasinyiye Juventus, cyose ntabwo yakimazemo, kuko iyi kipe yagiye inamutiza mu yandi makipe. Maresca yakiniye Juventus imikino 37, ayitsindira ibitego bine.
Muri 2001 ubwo Enzo Maresca yari yaratijwe muri Bologna, yayikiniye imikino 24, nta gitego yayitsindiye.
Mu mwaka w'imikino wa 2022-2023 yari yaratijwe muri Piacenza, ayikinira imikino 31, ayitsindira ibitego ikenda.
Muri 2004, Enzo Maresca utari ugikenewe muri Juventus, yatandukanye nayo, yerekeza muri Fiolentina nayo yakiniye umwaka umwe, kuko yayivuyemo muri 2005. Yakiniye Fiolentina imikino 25 ayitsindira ibitego bitanu.
Muri 2005, Enzo Maresca yatandukanye na Fiolentina, yerekeza muri FC Sevilla yo muri Esipanye, ayikinira kugera muri 2009. Enzo Maresca, yakiniye Sevilla imikino 96, ayitsindira ibitego 13.
Muri 2009 Enzo Maresca yatandukanye na Sevilla, ajya muri Olympiacos mu Bugereki, ikipe yahise avamo muri 2010. Olympiacos, Enzo Maresca yayikiniye imikino 24, ayitsindira ibitego bitanu.
Akimara gutandukana na Olympiacos muri 2011, Enzo Maresca yerekeje muri Malaga yo muri Esipanye, ayikinira imikino 39, ayitsindira ibitego bine.
Nyuma y'umwaka umwe Enzo Maresca akinira Malaga, yayivuyemo muri 2012 ajya muri Sampdolia ayikinira kugera muri 2014. Sampdolia mu Butaliyani, Enzo Maresca yayikiniye imikino 17, ayitsindira ibitego bitatu.
Kuva muri 2014 kugera muri 2016, Enzo Maresca yakiniye Palermo, ikipe yakiniye imikino 47, ayitsindira igitego kimwe gusa. Mu mwaka w'imikino wa 2016-17, Enzo Maresca yakiniye Hillas Verona, ayikinira imikino umunani, nta gitego yayitsindiye.
Muri Hillas Verona, niho Enzo Maresca yasoreje urugendo rwo gukina ruhago, arusozanya imikino 394 mu makipe yose yanyuzemo, ndetse asoza urugendo rwo guconga ruhago afite ibitego 49.
Nubwo yanyuze mu Makipe akomeye nka Juventus, Enzo Maresca ntabwo yigeze agira amahirwe yo gukinira ikipe y'igihugu nkuru y' Abataliyani.
Mu ikipe y'igihugu, Enzo Maresca yakiniye batarengeje imyaka 15, 16, 17, 18, 20 na 21.
Ikipe y'igihugu y'abatatengeje imyaka 15, Enzo Maresca yayikiniye imikino itanu, nta gitego na kimwe yayitsindiye.
Mu batarengeje imyaka 16, Enzo yabakiniye umukino umwe, aba ari nako Bigenda ku batarengeje imyaka 17, gusa bo yabatsindiye igitego kimwe.
Mu ikipe y'igihugu y' Ubutaliyani mu batarengeje imyaka 18, Enzo Maresca yayikiniye imikino 12, ayitsindira ibitego bine. Abatarengeje imyaka 20, bo yabakiniye imikino 11, abatsindira ibitego bitandatu. Mu batarengeje imyaka 21 Enzo Maresca yakiniye Ubutaliyani imikino 15, ayitsindira ibitego bibiri.
Muri 2020, Enzo Maresca nibwo yatangiye umwuga wo gutoza, atangirira muri Manchester City y'abakiri bato.
Muri 2021 Enzo yatandukanye na Manchester City, abona akazi ko gutoza Parma nk'umutoza mukuru, nuko ahita ayerekezamo.
Muri Nzeri 2023, Enzo Maresca nibwo yageze muri Leicester City yari imanutse mu kiciro cya kabiri mu Bwongereza Championship, nuko nyuma y'umwaka umwe ayifasha kugaruka mu kiciro cya mbere English Premier League.
Nyuma yo Gufasha Leicester City kugaruka muri English Premier League, Enzo Maresca yahise abengukwa na Chelsea, ajya gusimbura Umunya Argentina Mauricio Pochettino wirukanwe.
Enzo Maresca, nibitamugendekera nk'abandi batoza banyuze muri Chelsea kubwa Todd Boehly ngo yirukanwe, iyi kipe azayotoza imyaka itanu nkuko bikubiye mu masezerano ye.
Enzo Maresca yahawe akazi gashya ko gutoza Chelsea
Mu rugendo rwe rwo gutoza, Enzo Maresca yananyuze muri Manchester City
Enzo Maresca yakiniye ikipe ya Juventus
Enzo Maresca, yanakiniye Sevilla yo muri Esipanye
