Ni ibihembo byatanzwe mu ijoro ryo ku munsi w;ejo ku wa Kabiri n'ubundi bitangirwa mu gihugu cya Espagne.
Ku gihembo cy'umukinnyi wahize abandi muri shampiyona ya 2023-24 Jude Bellingham yari agihanganiye n'abandi barimo Isco Alarcon na Artem Dovbyk.
Uyu mukinnyi ukomoka mu gihugu cy'u Bwongereza wakinaga umwaka we wa mbere muri Real Madrid, niwe byarangiye acyegukanye nyuma y'uko yakinnye imikino 28 agatsindamo ibitego 19 ndetse akanatanga imipira 6 yabivuyemo.
Jude Bellingham w'imyaka 20 yatwaye iki gihembo nyuma y'uko mu mwaka ushize ari muri shampiyona y'u Budage mu ikipe ya Borussia Dortmund mbere yo kwerekeza muri Real Madrid nabwo yari yegukanye icy'umukinnyi mwiza kurusha abandi wa shampiyona ya Bundesliga.
Mu bandi begukanye ibihembo harimo Umunya-Espagne,Lamine Yamal w'imyaka 16 ukinira FC Barcelona wahawe icy'umukinnyi ukiri muto witwaye neza kurusha abandi.
Igihembo cy'umutoza mwiza muri La Liga cyari gihanganiwe n'uwa Real Madrid, Carlo Ancelotti n'uwa Girona Michel Sanchez,gusa byarangiye cyegukanwe n'uyu wa Girona nyuma y'uko ayifashije kwitwara neza igasoreza ku mwanya wa 3 none bwa mbere mu mateka ikaba izakina UEFA Champions League.
Jude Bellingham wahawe igihembo cy'umukinnyi mwiza muri La Liga