Adekunle Almoruf Kosoko [Adekunle Gold/AG Baby] yamaze kugera i Kigali aho ategerejwe mu bitaramo bizaherekeza imikino ya BAL igiye kubera muri BK Arena.
Ku mugoroba w’uyu wa Gatatu tariki 22 Gicurasi 2024 ahagana saa Tatu, mbere gato y'uko hatangira imikino ya nyuma BAL izabera i Kigali, Adekunle Gold ni bwo yageze ku kibuga mpuzamahanga cya Kigali i Kanombe.
Mu kiganiro yagiranye n’itangazamakuru, yatangaje ko yishimiye kongera kugaruka i Kigali. Yavuze ko biteye ishema kongera kuza gutaramira mu Rwanda kandi ko aje gutanga ibyishimo, kandi na we akabihabonera.
Muri 2021 ni bwo yaherukaga gutaramira mu Rwanda mu iserukiramuco rya Movember. Icyo gihe yahuriye ku rubyiniro n’abahanzi barimo Gabiro Guitar na Kenny Sol.
Kuwa 24 Gicurasi 2024 ni bwo Adekunle Gold na Juno Kizigenza
bazahurira ku rubyiniro mu mikino ya BAL. Iyi mikino ya nyuma izajyanirana n’ibikorwa by’umuziki izaba
hagati ya tariki 24 Gicurasi 2024 kugera kuwa 01 Kamena 2024.
Adekunle Gold yavuze ko yiteguye gutanga ibyishimo no kwishimira mu Rwanda 
Adekunle yaherukaga gutanga ibyishimo mu gitaramo cyaberey kuri Canal Olympia 
Azahurira ku munsi wa mbere ku rubyiniro na Juno Kizigenza 
Imilinga aba yambaye ku maboko no mu ijosi irahenze cyane dore ko ari no mu bahanzi batunze agatubutse
Eng
RSS 
TANGA IGITECYEREZO