Irerero rya PSG mu Rwanda ntabwo ryitwaye neza mu mikino y'igikombe cy'Isi

Yari imikino ibaye ku nshuro ya 8, gusa u Rwanda rukaba ari ku nshuro ya gatatu rwari rwitabiriye iyi mikino. 

Iyi mikino iba ngarukamwaka ikabera mu Bufaransa, kuri iyi nshuro yatangiye tariki 12 Gicurasi 2024. u Rwanda rwari rwitabiriye iyi mikino ari cyo gihugu gitinyitse kuko ari na rwo rwari rubitse ibikombe mu batarengeje imyaka 11 na 13.

Kuri iyi nshuro, u Rwanda nta gikombe na kimwe rwabashije gutahana kuko mu batarengeje imyaka 11 rwabaye aba 5 naho mu batarengeje imyaka 13 ruba urwa 3.

Kuri iyi nshuro kandi u Rwanda rwari rwajyanye n'ikipe y'abakobwa batarengeje imyaka 15. Aba bakobwa ku nshuro ya mbere bari bitabiriye aya marushanwa begukanye umwanya wa 3 batsinze Brazil.

Nyinawumuntu Grace wagiye ayoboye aba bana, yabwiye InyaRwanda ko impamvu batitwaye neza nk'uko byari bisanzwe, ari uko hari abana bakiri bato batwaye kandi bari bakamenyeranye neza.

Uwiringiyimana Christian yahembwe nk'umukinnyi watsinze ibitego byinshi mu cyiciro cy'abatarengeje imyaka 13, aho yatsinze ibitego 16