Ikipe ya Inter Milan yo mu gihugu cy'u Butaliyani, yegukanye igikombe cya shampiyona cya 20 nyuma yo gutsinda mukeba AC Milan.
Ku munsi w'ejo ku wa Mbere ni bwo mu Butaliyani hari hategerejwe umukino ukomeye cyane aho ikipe ya AC Milan yagombaga kwakira Inter Milan kuri San Siro mu mukino wo ku munsi wa 33 muri shampiyona.
Ikipe ya Inter Milan yasabwaga kuwutsinda ubundi ikegukana igikombe cya shampiyona hakibura imikino 5 ngo isozwe.
Ni ko byaje kugenda kuri iyi kipe maze itsinda AC Milan ibitego 2 bya Acerbi ku munota wa 18 ahawe umupira na Benjamin Pavard na Marcus Thuram ku munota wa 49 kuri 1 cyatsinzwe na Fikayo Tomori ku munota wa 80.
Uyu mukino warangiye abakinnyi 2 ba AC Milan, Theo Hernandez na Davide Calabria na Denzel Damfries babonye amakarita y'umutuku kubera gushaka kurwana hagati yabo.
Inter Milan yegukanye igikombe nyuma yo kugira amanota 86 ikaba irusha amanota 17 AC Milan iyikurikiye.
Ni igikombe cya 20 cya shampiyona y'u Butaliyani iyi kipe yegukanye mu mateka yayo nyuma y'uko icyo mu mwaka ushize cyari cyegukanwe na Napoli.
Inter Milan yaherukaga kucyegukana mu mwaka w'imikino wa 2020-2021.
Ibyishimo byari byose ku bakinnyi ba Inter Milan nyuma yo kwegukana igikombe
Ikipe ya Inter Milan yegukanye igikombe cyayo cya 20 cya shampiyona y'u Butaliyani
Eng
RSS 
TANGA IGITECYEREZO