Umuhanzi Kagarara24 wari umaze iminsi ateguje EP ye ya kabiri yise “Revolution” yamaze kuyishyira hanze igizwe n’indirimbo 6 zirimo Revolution yitiriye album, Wowe, trippin, Superman, Umutima ndetse na Ulala.
Umuraperi Kagarara 24 usanzwe yarihebeye injyana ya Hip Hop, yakoze mu nganzo ashyira hanze album yiteze ko izamwubakira izina n’igikundiro ndetse abantu bakarushaho kumumenya hirya no hino mu gihugu.
Iyi EP yise “Revolution”, amaze amezi atandatu arimo ayikoraho ndetse akaba yarifatanyije n’abahanzi barimo Riack Marley, Bon Briezy, Lumi ndetse n’umuhanzi Villa naho ikaba yaratunganyijwe na A1kongwe, Dadking, Ragvax ndetse na Dzbeat.
Mu kiganiro yagiranye na InyaRwanda, Kagarara 24 yatangaje ko yizeye ko umwanya yamaze akora kuri iyi EP ataruhuka yiteze ko hari icyo uzamwongerera ku mubare w’abakurikiranaga ibikorwa bye ndetse no kongera gushimisha abakunzi be.
Kagarara 24 yagize ati “Iyi EP nizeye ntashidikanya ko hari itafari igiye gutera ku muziki wange haba ku bantu batanzi ndetse no gukomeza gushimisha abakunzi bange.”
Kagarara 24 ashyize hanze iyi EP nyuma y’indirimbo yitwa “Rockstar” yahuriyemo na Rapxolutely ndetse na Big Banx ikaba imaze ukwezi kumwe isohotse.
Kagarara 24 yashyize hanze EP ye ya kabiri yise "Revolution"
Kagarara 24 yari amaze ukwezi ashyize hanze indirimbo Rockstar
Reba indirimbo "Revolution" Kagarara yitiriye EP ye
Eng
RSS 
TANGA IGITECYEREZO