Element yahishuye uko gutandukana n'umukunzi we byahinduriye isura ‘Kashe’

Muri Nyakanga 2022 ni bwo abakunzi b’umuziki nyarwanda bumvise ijwi rya Element wari umaze gushinga imizi mu gutunganya imiziki myiza.

Icyo gihe uyu musore yashyize hanze indirimbo yise Kashe, ikaba ari indirimbo yumvikanamo imbamutima z’umuntu uri mu rukundo ariko mu gihe cyose yari imaze ntabwo yari yarasobanuye neza imvano yayo.

Muri iki gihe ari mu bikorwa bifite aho bihuriye n’umuziki we muri Kenya, ni bwo yatoboye avuga ko yari yarayandikiye umukunzi we umwe yigeze anagira mu buzima, batandukana agafata umwanzuro wo kuyishyira hanze.

Aterura iby’inkuru ya Kashe, Element yagize ati”Sinashakaga kugira indirimbo nshyira hanze kuko ndi umuntu ugira isoni [Uvuga make].”

Agaruka ku buryo yanditsemo indirimbo, yagaragaje ko hirya yo kuba umuhanga mu gutunganya umuziki afite n’ubuhanga mu kuririmba.

Element ati”Ubwo nandikaga ‘Kashe’ nari nayihaye umukunzi wanjye muri icyo gihe kuko ubu ntakiri umukunzi wanjye, narayanditse sinashakaga kuyisohora nashakaga kuyimuha gusa.”

Yumvikanisha uburyo atetesha mu rukundo, avuga ku buryo uwo mwari bakundanaga yajya ayumva ati”Ku buryo uko abyutse agiye kuryama ayumva.”

Agera ku buryo yafashe umwanzuro wo kuyishyira hanze ati”Ariko ubwo twatandukanaga naravuze, iyi ndirimbo sinayireka gutyo iyi ndirimbo ni nziza, mfata umwanzuro wo kuyigenera nk’impano buri umwe uri mu rukundo.”

Element kandi yavuze ko mu buzima uwo ari we bari bakundanye kandi n’ubu bakiri inshuti nubwo atavuze izina ry’uwo mukobwa ariko kenshi hagiye humvikana inkuru z’uko uyu musore akundana na Miss Kellia Ruzindana.

Gusa bombi nta n'umwe wigeze abyemeza bose, bavuga ko ari ubucuti busanzwe, kuri ubu uyu mukobwa akaba yiga muri Leta Zunze Ubumwe za Amerika.Element uri kubarizwa muri Kenya aho ageze bwa mbere yavuze ko 'Kashe' ari indirimbo yari yarahaye umukunzi we batandukanyeMiss Heritage 2022, Kellia Ruzindana ni we wagiye ashyirwa mu majwi ko ari mu rukundo na ElementIndirimbo Kashe yashimangiye ko Element yahamagariwe gukora umuziki mu nguni zose 'Fou De Toi' imwemeza nk'umuhanzi ubihuza no gutunganya indirimbo bya kinyamwuga

KANDA HANO UREBE UNUMVE IKIGANIRO CYOSE ELEMENT YATANZE KENYA

">