Itorero rya ADEPR ryahakaniye kure amakuru avuga ko igitsinagore kibarizwa muri iri torero bahawe uburenganzira burimo kwambara amapantalo, kwisukisha, kwambara amaherena, kwisiga inzara n’ibindi.
Amakuru amaze iminsi acicikana avuga ko Itorero rya
ADEPR ryafashe umwanzuro wo gutanga uburenganzira ku bagore n’abakobwa
babarizwamo bakita ku mibiri yabo mu buryo bifuza ndetse bakambara nk'uko bifuza,
nyuma yo gutakaza umubare munini w’ababangamirwa n’amategeko bahabwa yo.
Inyandiko yasakajwe ku mbuga nkoranyambaga iragira iti “Itorero rya ADEPR mu Rwanda ryakomoreye abagore n’abakobwa ibirimo gusuka no kudefiriza, gusinga inzara no kwambara amaherena. Ibi byakozwe nyuma y’uko umubare munini w’urubyiruko ukomeje kwigira mu yandi madini abaha ubwisanzure kuri iyo myifatire".
Nyuma yo kubona aya makuru, ADEPR yisunze urubuga rwa X, itangaza ko ari amakuru y'ibihuha. ADEPR ibinyujije ku rukuta rwayo rwa X yanditse iti “Ayo makuru si yo ni ikinyoma”. Batangaje ibi bifashishije inyandiko ikubiyemo ibyagaragajwe nk'impinduka muri iri torero yasakajwe ku mbuga nkoranyambaga, bayinyuzamo umusaraba banandikaho ko ari ibihuha.
ADEPR imaze imyaka irenga 80 kuva itangiye gukorera mu Rwanda. Ubu iri mu matorero manini cyane dore ko ifite abayoboke bagera kuri Miliyoni 3. Kuva yashingwa kugeza uyu munsi, ntiyemerera abakobwa n'abagore gusuka, kwambara amapantalo, gusiga inzira, kwambara imikufi n'ibindi byo kwirimbisha. Icyakora hari abari gusaba impinduka.
Hashize nk'ibyumweru bitatu kuva aya makuru atangiye gusakazwa ku mbuga nkoranyambaga
ADEPR yanyomoje aya makuru yari amaze igihe asakazwa ku mbuga nkoranyambaga
Eng
RSS 
TANGA IGITECYEREZO