Iyi nkuru ibabaje ivuga ko umugore yahagurutse
akerekeza ku rusengero mu materaniro, agasiga umugabo we bashyingiranwe witwa Tafadzwa
Munyoro mu rugo n’abana babiri babyaranye b’inshuke.
Uyu mugore witwa Stacy Thokozani Mkhandla wo muri Zimbabwe, yaje
kwakira ubutumwa bugufi bumubwira ko umugabo we yinjije umugore w’indaya mu
rugo rwabo ndetse ko baryamanye.
Yatashye atarwiyambitse ahagarika amasengesho aza
yerekeza aho urugo rwe ruri, ni ko kwinjira mu nzu agana aho icyumba cyabo kiba,
asanga umugabo we asambana n’uwo mugore atazi.
Uyu mugore yerekeje mu gikoni afata icyuma, niko kukijomba uyu mugore, asohoka yiruka ahunga ariko yacitse intege.
Uyu mugore yakomeje kwiruka agana hanze, ariko nyiri urugo akomeza kumukurikira
amujomba icyuma ku mubiri wose, birangira amusogose arapfa.
Umugabo yagerageje gukiza iyi ntambara yateje ariko biba iby’ubusa
kuko iyi nshoreke ye yahasize ubuzima nk'uko umuvugizi wa polisi abisobanura.
Ababarizwa mu nzego z’umutekano bavuze ko umurambo
wajyanywe mu buruhukiro bw’ibitaro ndetse uyu mugore wishe mugenzi we agatabwa
muri yombi, aho ategere gukatirwa urumukwiye.
Polisi yo muri Zimbabwe yatanze inama ku bashakanye ko bakwiye
kwirinda guca inyuma abo bashakanye kuko bamwe babigenderamo bagapfa cyangwa
bakazana intonganya n’amakimbirane mu muryango.