Liverpool yaguye miswi na Manchester City, abafana ba Arsenal bajya ibicu

Uko umukino wagenze umunota ku munota:

Umukino urangiye amakipe yombi anganyije igitego 1-1, abafana ba Arsenal bicinya icyara kubera ko bagumye ku mwanya wa mbere n'amanota 64 inganya na Liverpool ya 2 ariko ikaba iyurusha ibitego izigamye mu gihe Manchester City yo iri kumwanya wa 3 n'amanota 63.

90+3' Uruhande rw'ibumoso rwa Manchester City turi kunyuraho Jeremy Doku rukomeje gushaka uko rwabona igitego cya 2 ariko byanze

Umukino wongeweho iminota 8

88' Manchester City yaribonye igitego cya 2 ku ishoti ryari rirekuwe na Jeremy Doku gusa riragenda rikubita igiti cy'izamu 

84' Luis Díaz akomeje kuzonga uruhande rw'ibumoso rwa Manchester City acenga abakinnyi ariko ntagire icyo amaza umupira 

78' Liverpool ikoze impinduka mu kibuga havamo Darwin Nunez hajyamo Cody Gakpo 

72' Manchester City yaribonye igitego ku mupira waruhinduwe na Akanji ashaka umutwe wa Phil Foden gusa uragenda ukubita igiti cy'izamu 

68'Manchester City ikoze impinduka mu kibuga havamo Julian Alvarez na Kevin De Bryne hajyamo Kovacic na Jeremy Doku 

63' Ikipe ya Liverpool ikomeje kurata uburyo bw'inshi imbere y'izamu,uwitwa Luis Díaz arase igitego cyabazwe ku mupira yarahawe na Darwin Nunez aratinda Kyle Walker aragenda awushyira muri koroneri 

60' Jurgen Klopp akoze impinduka mu kibuga havamo Conor Bradley na Dominic Szoboszlai hajyamo Mohammed Salah na Andre Robertson 

58' Liverpool ikomeje kwatsa umuriro imbere y'izamu rya Manchester City, Darwin Nunez ahaye umupira mwiza Luis Díaz gusa umusigaho gato umupira ahita awufata 

53' Umunyezamu wa Manchester City, Ederson avuye mu kibuga kubera ikibazo cy'imvune yagize mu ivi hajyamo Stefan Orthega

49' Ihise iterwa na Alex Mac Alisster maze ayitereka mu nshundura igitego cyo kwishyura kiba kirabonetse 

47'Liverpool ibonye penariti ku ikosa umunyezamu wa Manchester City akoreye Darwin Nunez amutegera mu rubuga rw'amahina 

Igice cya kabiri kiratangiye, Mohammed Salah utabanje mu kibuga ari kwishyushya

Igice cya mbere kirangiye Manchester City iyoboye n'igitego 1-0

45+2' Mac Alisster wa Liverpool yarazamukanye umupira yiruka gusa Rodri amutereka hasi , umusifuzi atanga kufura itagize icyo itanga 

Igice cya mbere cyongeweho iminota 2

41' Luis Díaz wa Liverpool yaratsinze igitego habura gato ku ishoti riremeye yararekuye rinyura haruguru y'izamu gato cyane 

36' Kevin De Bryne arekuye ishoti ryashoboroga kuvamo igitego, myugariro wa Liverpool Conor Bradley aratabara ashyiraho ukuguru umupira uhita ujya muri koroneri 

31' Harvey Elliott azamuye umupira ashaka Dominic Szoboszlai ashyiraho umutwe ashyiraho umutwe ariko unyura hejuru y'izamu gato cyane 

26' Nyuma yo gutsindwa, Liverpool iri gushaka uko yakwishyura binyuze ku bakinnyi bayo barimo Luis Díaz uri kunyura ku ruhande rw'ibumoso 

23' Manchester City ibonye igitego cya 1 gitsinzwe na Stones ku mupira waruvuye muri koroneri yaritewe na Kevin De Bryne 

Uburyo Stones yatsinzemo igitego 

22' Manchester City muri iyi minota niyo iri gusatira cyane 

18' Luis Díaz atsinze igitego ariko umusifuzi asifura ko Darwin Nunez umuhaye umupira yari yaraririye

16'Liverpool ikomeje guhererekanya umupira neza gusa kubona uburyo bw'inshi imbere byanze

13' Liverpool ibonye uburyo bwa mbere buremereye imbere y'izamu ku mupira waruhinduwe na Conor Bradley ashaka Darwin Nunez ariko atindaho gato uramusiga

7' Manchester City izamukanye umupira igeze imbere y'izamu,Kevin De Bryne awuhindura ashaka Erling Haaland ariko ntibyagenda neza 

4' Umupira uri guhererekanywa n'ikipe ya Liverpool ishaka uko yazamuka ngo igere imbere y'izamu ariko byanze

2' Manchester City iri gukinira hejuru ishaka igitego hakirikare, Julian Alvarez ageze imbere y'izamu arekura ishoti ariko umunyezamu wa Liverpool arikuramo

1'Umupira utangijwe na Liverpool ariko ntabwo iwutindanye

Abakinnyi 11 ba Liverpool babanje mu kibuga: Kelleher; Bradley, Quansah, Van Dijk, Gomez; Szoboszlai, Endo, Mac Allister; Elliott, Núñez na Díaz.

Abakinnyi 11 ba Manchester City babanje mu kibuga:Ederson, Walker ,Stones, Akanji, Ake, Rodrigo, De Bruyne, Bernardo, Alvarez, Foden na Haaland.

Uyu ni umukino ushobora gutanga igikombe kubera ko ikipe iratsindwa birasa nkaho iraba isigaye kubera ko Liverpool kuri ubu iri kumwanya wa 2 n'amanota 63 iramutse itsinzwe , Manchester City yahita iyinyuraho ikayirusha amanota 2 kongeraho Arsenal yicaye ku umwanya wa mbere n'amanota 64.

Manchester City yo iramutse itsinzwe yahita irushwa amanota 4 na Liverpool ndetse na 2 kuri Arsenal. Ubwo bivuze ko aya makipe aramutse anganyije ikipe y'abarashi ariyo yabyungukiramo kubera ko yakomeza kwicara ku mwanya wa mbere inganya amanota na Liverpool ariko iyirusha ibitego izigamye.

Ikipe ya Liverpool, mu mikino 20 yakinnye na Manchester City iri mu rugo kuri Anfield yatsinzwemo umukino umwe gusa muri 2021 Ibitego 4-1 kandi nabwo icyo gihe nta bafana bari bari muri sitade kubera icyorezo cya COVID-19.

Muri rusange aya makipe amaze gukina imikino 50 , Liverpool ikaba yaratsinzemo 22, Manchester City itsindamo 13 banganya 15. Mu mikino 5 iheruka kubahuza bose batsinze 2 banganya 1.

Jurgen Klopp na Pep Guardiola ni bamwe mu batoza beza bagezweho ariko biraba ari ubwa nyuma bagiye guhurira muri Premier League kubera ko umutoza wa Liverpool yamaze gutangaza ko azatandukana nayo uyu mwaka w'imikino nurangira ndetse akaba nta n'indi kipe azongera gutoza mu Bwongereza.

Liverpool igiye gukina idafite abakinnyi bayo nka Alisson, Trent Alexander-Arnold, Diogo Jota, Joël Matip, Thiago Alcântara, Curtis Jones, Ryan Gravenberch na Stefan Bajcetic kubera ibibazo by'imvune mu gihe Manchester City yo idafite Jack Grealish, Jeremy Doku na Matheus Nunez gusa kubera imvune.