RIP: Umunyabigwi w'u Budage Franz Beckenbauer yitabye Imana ku myaka 78

Franz Beckenbauer yafashije ikipe y'igihugu y' u Budage gutwara Igikombe cy'Isi inshuro ebyiri. Mu 1974 yari Kapiteni w' u Budage bwo mu Burengerazuba, mu gihe mu 1990 yagitwaye ari umutoza.

Franz Beckenbauer wakiniye ikipe ya Bayern Munich, ni umwe mu bakinnyi bagize ibihe byiza,  bigakomereza mu butoza.

Franz Beckenbauer wari Myugariro, yakiniye FC Bayern Munich imikino 582.

Franz wakunze gutazirwa akazina ka Der Kaiser, mu 1972 yafashije Bayern Munich gutwara igikombe gisigaye cyitwa UEFA Champions League kuri ubu. Icyo gihe cyari European Cup.

Franz Beckenbauer, ni umwe mu bakinnyi bafite ballon d'Or, dore ko uyu nyakwigendera yayitwaye inshuro ebyiri zose.

Nubwo iyi nkuru y'incamugongo yakwirajwiye kuri uyu wa mbere, Franz Beckenbauer yitabye Imana ku cyumweru. Urupfu rwe rwatangajwe n'umugore we kuri German news agency DPA.

Itangazo ry'urupfu rwa Franz Beckenbauer, ryagiraga riti " Mbabajwe no kubamenyesha inkuru y'urupfu rw'umugabo wanjye, akaba na papa w'abana banjye.  Franz Beckenbauer yitabye Imana ejo ku cyumweru ubwo twari turi kumwitaho nk' umuryango.

"Dushimiye abazaza kudufata mu mugongo, mu bihe bikomeye byo kubura Franz Beckenbauer.

Ku myaka 78 Franz Beckenbeuer yitabye Imana

Nyakwigendera Franz Beckenbeuer, yabaye icyogere muri Bayern Munich no mu ikipe y'igihugu y' u Budage

Inshuro imwe yari umukinnyi, indi yari umutoza. Franz Beckenbeuer yafashije u Budage kwegukana igikombe cy'Isi inshuro ebyiri