Umuhanzi Itahiwacu Bruce uzwi cyane muri muzika nka Bruce Melodie, yatangaje ko rwose bigoye kumwumvisha ko afite kumenyekanisha indirimbo ya The Ben aherutse gushyira hanze yise "Ni Forever ', kuko nawe (The Ben) atajya afata umwanya ngo yamamaze ize.
Ni mu kiganiro Melodie yakoreye Kuri Instagram n'umwe mu basore bazwi cyane ku mbuga nkoranyambaga, Ddumba, ubwo yari amubajije impamvu atigeze ashyira ku mbuga nkoranyambaga ze indirimbo ya The Ben, ndetse akaba atigeze agira n'ikintu na kimwe ayivugaho.
Melodie yagize ati:" Ariko se ninde wababwiye ko njyewe nkora namamaza cyangwa 'menyekanisha'? None se we hari ubwo ajya abinkorera?, Akaririmbo ni keza nakabonye ariko nyine ntabwo ndibuyishyire ku mbuga nkoranyambaga zanjye, ambabarire rwose kuko uwo muco ntawo dufitanye twembi".
Melodie yakomeje agira.ati:" The Ben nyine yasohoye indirimbo nziza cyane kandi ndanabikunda ariko nyine mfite byinshi byo kwamamaza birimo n'imiziki yanjye, iyo ngiyo rero ntabwo irimo ahubwo nawe ayiyamamarize nk'uko nanjye ndwana n'izanjye nawe ntabwo ajya yamamaza ibyanjye".
Hamaze iminsi humvikana inkundura y'abafana bagereranya aba bahanzi uko ari babiri. Bamwe bavuga ko Melodie ariwe urenze, abandi bakavuga ko Ben ariwe urenze.
Melodie avuga ko atari bwamamaze indirimbo ya Ben kuko nawe atajya yamamaza ize
Ben aherutse gushyira hanze indirimbo nshya yise 'Ni Forever'
Eng
RSS 
TANGA IGITECYEREZO