Kuri uyu wa Kabiri, hatangiye imwe mu mikino ya NBA in Season Tournament, ifatwa nka ¼. Indiana Pacers yatangiye itsinda Boston Celtics naho New Orleans Pelicans itsinda Sacramento Kings.
Indiana Pacers yari yakiriye Boston Celtics kuri Gainbridge Fieldhouse, ni umukino warangiye ku ntsinzi ya Indiana Pacers ku munota 122 ku 112 ya Boston Celtics.
Boston Celtics niyo yari yatangiye yitwara neza, kuko yatsinze uduce tubiri tugize igice cya mbere. Agace ka mbere yatsinze amanota 24 kuri 22, naho aka kabiri itsinda 31 kuri 26.
Indiana Pacers yari imbere y'abafana bayo, yagarutse mu gice cya kabiri yariye karungu. Agace ka Gatatu yatsinze amanota 37 kuri 23 naho aka nyuma itsinda 37 kuri 34.
Tatum ukinira Boston Celtics niwe mukinnyi mwiza w'umukino. Tatum yatsinze amanota 32 Rebound 12 na Assists 6.
Ku ruhande rwa Indiana Pacers, umukinnyi mwiza yabaye Haliburton yatsinze amanota 26 Rebounds 10 na Assists 13.
Undi mukino wabereye muri Golden 1 Center, Sacramento Kings yatsindiwe imbere y'abafana bayo na New Orleans Pelicans amanota 117 ku 127.
Sacramento Kings yari imbere y'abafana bayo, yatsinze agace ka mbere gusa, dutatu dusigaye twiharirwa na New Orleans Pelicans. Agace ka mbere Sacramento kings yatsinze amanota 36 kuri 35 ya New Orleans Pelicans.
New Orleans Pelicans yari ifite ishyaka, yatsinze agace ka kabiri aka gatatu n'aka Kane. Agace ka kabiri yatsinze amanota 34-25, aka gatatu itsinda 31-30 naho aka Kane itsinda 27-26.
Ejo ku wa Gatatu, nabwo hateganyijwe imikino ibiri ya ¼. Umwe uzahuza Los Angeles Lakers ya LeBron James na Phoenix Suns ya Kevin Durant, undi uhuze Milwaukee Bucks na New York Knicks.
Boston Celtics yatsinzwe na Indiana Pacers mu mikino ya ¼
New Orleans Pelicans yatsinze Sacramento Kings
Eng
RSS 
TANGA IGITECYEREZO