Ikipe ya FC Barcelona yabonye itike ya 1/8 nyuma yo gutsinda FC Porto naho Paris Saint-Germain igarura icyizere ibifashijwemo na Kylian Mbappé mu mikino yo ku munsi wa 5 w'amatsinda ya UEFA Champions League.
Kuri uyu wa Kabiri nibwo iyi mikino yari yagarutse nyuma y'imikino y'amakipe y'ibihugu.Duhereye ku mukino wabaye saa moya n'iminota 45,mu itsinda E ikipe ya Lazio yo mu Butaliyani yatsindiye Celtic kuri Stadio Olimpico, Rome ibitego 2-0.
Nyuma y'uyu mukino indi imikino yose yabaye Saa yine z'ijoro,muri iri tsinda E n'ubundi Feyenoord yatsinzwe na Atletico Madrid ibitego 3-1. Kuri ubu Atletico Madrid niyo ya mbere ifite amanota 11 ,Lazio ni iya ,2 ifite 10 mu gihe Feyenoord ari iya 3 n'amanota 6.
Mu itsinda ry'urupfu F, ikipe ya AC Milan yo mu Butaliyani yatsinzwe na Borussia Dortmund ibitego 3 bya Marc Reus ,Bynoe-Gittens na Adeyemi kuri kimwe cyatsinzwe na Chukueze.
Ikipe ya Paris Saint-Germain bigoranye yo yanganyije na Newcastle United imbere y'abafana bayo kuri Parc de Princes igitego 1- 1, uwatsindiye Newcastle United ni Alexander Isak naho Paris Saint-Germain ni Kylian Mbappé mu minota y'inyongera kuri penaliti.
Kugeza ubu muri iri tsinda ikipe yamaze gukatisha itike ya 1/8 ni Borussia Dortmund ya mbere n'amanota 7 mu gihe Paris Saint-Germain ya 2 n'amanota 7, Newcastle United ndetse na AC Milan zifite amanota 5 bizaba gutegereza umukino wo ku munsi wa nyuma.
Mu itsinda ikipe ya Manchester City yatsindiye RB Leipzig kuri Etihad bigoranye ibitego 3 bya Erling Haaland,Phil Foden ndetse na Julian Alvarez kuru 2 bya Lois Openda.
Undi mukino kandi ni uwo Young Boys yatsinzemo FK Crvena Zvezda ibitego 2-0 . Kuri ubu muri iri tsinda byamaze gusobanuka Man City niyo izazamuka iyoboye itsinda kugeza ubu ikaba ifite amanota 15 naho LB Leipzig izazamuka muri 1/8 ari iya 2 yo ifite amanota 9.
Mu itsinda H ikipe ya Shakhtar Donetsk yatsinze Royal Antwerp igitego 1-0 naho FC Barcelona itsinda FC Porto ibitego 2 bya Joao Felix na Cancelo kuri 1 cya Pepe.
Hano muri iri tsinda nyuma yo gutsinda FC Barcelona niyo iyoboye itsinda n'amanota 12 ndetse yahise inakatisha itike ntabwo mu gihe Shakhtar Donetsk na FC Porto zikurikiyeho zo zifite amanota 9 bikaba ariyo mpamvu bo bizasaba umukino wa nyuma kugira ngo hamenyekane indi kipe ya 2.
Kylian Mbappé watabaye Paris Saint-Germain atsinda penaliti nyuma y'uko bari bashatse igitego cyo kwishyura bakibuze
Manchester City yatsinze RB Leipzig ivuye inyuma,nyuma yo kubanzwa ibitego 2
Uko myugariro wa Newcastle United yakoze ikosa rivamo penariti
Eng
RSS 
TANGA IGITECYEREZO