Ukuri ku mafoto ya Mico The Best yambaye ijipo amaze iminsi arikoroza -VIDEO

Ku wa Gatandatu mu Cyumweru gishize, Mico The Best yashyize hanze amafoto yambaye ijipo abantu baratungurwa cyane ndetse ab'inkwakuzi batangira gutekereza ko yaba agiye kwishora mu butinganyi.

Nyuma yo kuvugwa hirya no hino abantu bagataramira ku ijipo yagaragaye yambaye kandi ari umugabo wubatse ikindi  bikaba atari umuco nyarwanda, Mico The Best yahise ashyira hanze indirimbo yise Inanasi.

Aya mafoto Mico yashyize hanze, kwari ukugira ngo avugwe cyane mu itangazamakuru ku buryo indirimbo ye Inanasi ijye hanze abantu bamuvugaho cyane ubundi irebwe.

Ibi bisa nk'aho bimaze kuba umuco mu myidagaduro haba mu muziki ndetse no muri Sinema. Mu minsi ishize, Kanimba na Soleil  bahimbye  inkuru y'ubukwe budahari kandi barimo bakina filime yewe bitangazwa n'inshuti zabo kandi zari zizi ko  ko ari ugutwika.

Bitari muri Sinema, mu minsi ishize Buhali na Rumaga bashyize  hanze amafoto b agaragaza ko bari mu myiteguro yo kwibaruka kandi nta bihari ahubwo bari mu myiteguro yo gushyira hanze Igisigo.

Ibi ntabwo  biba  mu Rwanda gusa  ahubwo ni ibintu bikorwa hirya no hino ku Isi  hakaba n'abandi barengera nk'umuraperi Oladips wo mu gihugu cya Nigeria yabeshye abantu ko yapfuye kugira ngo abantu bazumve album ye nshya.

Mbere yo gushyira hanze amashusho y'indirimbo Inanasi, Mico yabanje gushyira hanze amafoto yambaye ijipo. 

Amajipo ni imyambaro itavugwaho rumwe cyane cyane mu Rwanda.

">Indirimbo Inanasi ya Mico The Best ">