Imvururu mu rugo rwa Mr Ibu ushinjwa kuryamana n’umukobwa we

Inkuru y'uko Mr Ibu aryamana n’umwana yareze Jasmine ikomeje kuvugisha benshi, nubwo uregwa yamaganiye kure amagambo akomeje kumuvugwaho ku mbuga nkoranyambaga.

Ibirego byo kuryamana n’umwana yareze uzwi nka Jasmine byateje amakimbirane hagati y’umugore we Stella Maris n’uyu mukobwa yareze, bibyara imvururu mu mibanire yabo nk’abagize umuryango wa Mr Ibu nk'uko Legit.ng ibitangaza

Amajwi yashyizwe  ahagaragara yatumye benshi bakeka  ko Mr Ibu yaba yararyamanye n’uyu mwana w’umukobwa, nyuma akiyemeza guhagarika umubano wabo nyuma yo kubona Jasmine mu rukundo n’umuhungu we.

Umugore wa Mr Ibu Stella yarize ayo kwarika abwiwe ko umwana bareze yaryamanaga n'umugabo we

Nyuma y’aya majwi avuga ku mubano wa Mr Ibu na Jasmine yashyizwe ahagaragara, we yahakaniye kure ibyo bimuvugwaho yemeza ko bitangaje kuba yaryamana n’umwana yareze, maze yinubira benshi bakomeje gukwirakwiza ibihuha.

Jasmine warezwe na Mr Ibu  yahakanye aya makuru avuga ko yaryamanye n’uwamureze. Umukinnyi wa filime John Okafor uzwi nka Mr Ibu, yatangaje ko atigeze atungurwa nyuma yo kwakira aya makuru amusebya, atangaza ko Imana ikomeje ku murinda.

Bamwe mu bafana batanze ibitekerezo bamwe babogamira ku ruhande rwa Mr Ibu, mu gihe abandi bavugaga ko uyu mugabo wamamaye muri filime za Nigeria atari shyashya mu busanzwe.

Mr Ibu uri guhangana n’ibibazo by’uburwayi, amaze iminsi ishize yatse ubufasha kugirango ahabwe ubuvuzi bufatika. Uyu mugabo wamamaye binyuze mu Filime za Nigeria, yabwiwe ko azacibwa ukuguru nyuma y'uko muganga ukurikirana ubuzima bwe atangaje ko nta kindi cyakorwa harengerwa ubuzima bwe.

Mr Ibu arashinjwa kuryamana n'umwana yareze

Jasmine na Mr Ibu bahakaniye kure ibyo baregwa byo kuryamana