Ubwo Ikipe y'igihugu "Amavubi" yari imaze kunganya ubusa ku busa na Zimbabwe, umukinnyi w'Amavubi Hakim Sahabo yagaragaye yishimanye na Madeline Mukanemeye, umukecuru wihebeye ruhago.
Mukanemeye Madeline ni umukecuru w'imyaka 97 y'amavuko wihebeye umupira w'amaguru, by'umwihariko Ikipe ya Mukura Victory Sport n'ikipe y'ibihugu "Amavubi"
Uyu mukecuru yakunze kuvuga ko amakipe yihebeye iyo atatsinze umukino, arara atariye.
Kuri uyu wa Gatatu, ubwo Amavubi yari amaze kunganya na Zimbabwe, hagaragaye ifoto yakunzwe na benshi.
Iyo foto yafotowe na Olivier Mugwiza, igaragaza Hakim Sahabo ari kumwe na Mukanemeye Madeline, bishimye cyane.
Hakim Sahabo, akinira Standard De Liege yo mu Bubirigi. Ubwo yari yavuye mu kibuga asimbuwe, abafana ntabwo bemeranyije n'umutoza, kuko bumvaga Hakim Sahabo yakagumye mu kibuga.
Madeline Mukanemeye wagaragaye yishimanye na Hakim Sahabo, niwe mufana uzwiho agahigo keza ko kudasiba imikino yakiniwe kuri Stade ya Huye, by'umwihariko iya Mukura Victory Sport n'ikipe y'ibihugu Amavubi.
Umukino wahuje Amavubi na Zimbabwe warangiye amakipe yombi anganyije 0-0. Ni umukino utashimishije abakunzi b'Amavubi batari bacye kuko bari bizeye intsinzi.
Hakim hamwe na Madeline wihebeye Amavubi
Eng
RSS 
TANGA IGITECYEREZO