RFL
Kigali

Nyandamira Aline yanditse amateka nyuma yo kwegukana ikamba rya Miss Mulenge-AMAFOTO

Yanditswe na: Janvier Iyamuremye
Taliki:13/11/2023 13:22
1


Umukobwa witwa Nyandamira Aline wari uhagaragariye agace ka Mizinda yegukanye ikamba rya Miss Mulenge ahigitse bagenzi be bageranye mu cyiciro cya nyuma.



Ni mu gikorwa cyabaye kuri iki Cyumweru tariki 12 Ugushyingo 2023, kibera ahitwa Minembwe muri Repubulika Iharanira Demokarasi ya Congo (RDC).

Iki gikorwa gisanzwe cyateguwe na Umoja Wetu Tv Minembwe, mu murongo wo guteza imbere umwana w’umukobwa no kwamagana ababasunikira gushaka batarageza imyaka y’ubukure.

Umuhango wo gutanga ikamba ku mukobwa wahize abandi witabiriwe n’abayobozi mu nzego zinyuranye za Leta, abakozi muri Monusco, abakuru b’urubyiruko, ababyeyi bashyigikiye abana b’abo n’abandi banyuranye.

Iri rushanwa ryabereye mu kibuga aho kubera mu nyubako. Gapfizi David uri mu bateguye iri rushanwa yabwiye InyaRwanda ko ari amateka adasanzwe bakoze mu gutegura iki gikorwa cyubakiye ku muco n’ubuzima bw’abanyamulenge.

Ni ubwa mbere iki gikorwa cyabaye. Abakobwa batandatu nibo batsindiye akamba muri iri rushanwa barimo Nyandamira Aline wegukanye ikamba rya Miss Mulenge 2023, Kamikazi Justine wari uhagarariye agace ka Gahwera wabaye igisonga cya Mbere, Mwamikazi Divine wo mu gace ka Ilundu wabaye igisonga cya kabiri;

Nyamarembo Nantone wo mu gace ka Gitavi wabaye Nyampina w’umuco [Miss Heritage], Nantungane Joyesuex wabaye umukobwa wakunzwe mu irushanwa [Miss Populaire] na Nyanome Esperance wabaye umukobwa uberwa n’amafoto [Miss Photogenic].

Ibihembo byatanzwe muri iri rushanwa byahawe buri mukobwa wabashije kugera muri 15 ba mbere mu rwego rwo kubaremamo icyizere cy’ejo hazaza no kubereka ka ko bose bafite amahirwe angana.


Nyandamira Aline w’imyaka 17 y’amavuko yahize bagenzi be 15 yegukana ikamba rya Miss Mulenge


Ni ubwa mbere hatowe umukobwa wambikwa ikamba rya Miss Mulenge mu rwego rwo gutinyura abandi bakobwa


Iri rushanwa ryabereye muri RDC kuri iki Cyumweru tariki 12 Ugushyingo 2023 muri Minembwe 

Ababyeyi ba Nyandamira Aline bari bamushyigikiye ahatanye muri iri rushanwa



Nyandamira Aline yahembwe ibihumbi 300 Frw, yemererwa no kwishyurirwa amashuri kugeza ageze muri Kaminuza







TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Bidagara Gendarme4 months ago
    Nugushimira ababiteguye ndetse mukomerezaho kuko nibyo byiza bihesha aba kobwa bacu bakinyamulenge iteka





Inyarwanda BACKGROUND