Gen Z Comedy ihuza abanyarwenya b'ikiragano gishya, yakozwe hagamije kugaragaza
impano za bamwe mu gusetsa. Imaze kuba amahitamo ya benshi harimo na bamwe mu
byamamare yaba mu myidagaduro no mu bindi bisata.
Benshi mu banya-Kigali barimo n'abamamaye mu bikorwa bitandukanye, basoza imirimo yabo bakanyarukira muri iri sekarusange mu rwego rwo kuruhura umutwe, ndetse bakibonera ibitwenge n'akanyamuneza.
Umushinga wo guhuriza hamwe ingeri z'abantu batandukanye bagasetswa n'abanyempano b'abahanga, watangiye benshi babona nta cyerekezo, gusa biza guhindukira benshi ibyishimo nk'uko byatangajwe n'umuyobozi w'abanyarwenya Fally Merci.
InyaRwanda yaguteguriye amafoto y'ibyamamare byitabiriye iri sekarusange rya Gen Z Comedy ryabaye
kuwa Kane tariki 19 Ukwakira 2023 muri Camp Kigali.
Riderman umahanzi mu njyana ya Hip hop ni umwe mu bitabiriye iki gitaramo cy'urwenya
Umunyarwenya akaba n'umukinnyi wa filime Clapton Kibonge ntagitangwa mu bitwenge
Umuhanzi Junior wabarizwaga mu itsinda rya Juda Music yitabiriye
Nyambo Jesca wamenyekanye nka Miss Nyambo akunda gushyigikira cyane aba banyarwenya
Killerman na Mitsutsu bari kubaka izina muri filime baza kenshi kwirebera abanyempano
Umunyamakuru wa InyaRwanda Peacemaker akaba n'umusesenguzi uzwi nka Pundit ntagitangwa
Itsinda ry'abasore barimo Rufendeke na Berithra, ntiribura muri Gen Z Comedy
Gen Z Comedy yitabirwa n'ingeri zitandukanye yaba abayobozi mu nzego za Leta, Abikorera n'Ibyamamare
Ivan umunyamakuru wa Isango Star yishimira kuzamura abanyempano barimo n'abanyarwenya
Umunyamakuru wa InyaRwanda Iyamuremye Janvier ni umwe mu bitabiriye ku nshuro ya mbere
Abantu bamaze gusobanukiwa gushaka ibyishimo biremamo n'icyizere cy'ahazaza
Ibyishimo biba bikenewe mu buzima bwa buri muntu
Umubare witabira uba wiganjemo urubyiruko ndetse bagatahana inama ziba zabagenewe
Abasore bo muri Kigali basigaye bagorobereza muri iri sekarusange
Umunyamakuru wa Igihe.com Emmy Ikinege yitabira kenshi iri sekarusange
Fally Merci umuyobozi w'aba banyarwenya ataha anezerewe ku bwo kwesa imihigo
Abarimo igitsinagore barirekura bagaseka bakiyibagiza ibibazo bya Kigali
Umuhanzi Riderman yanejejwe n'urubyiruko rufite impano idasanzwe yo gusetsa
Bamwe bataha birahira iri sekarusange riba kabiri mu kwezi
AMAFOTO: Freddy Rwigema - InyaRwanda.com