Ahabanza Imikino

Rayon Sports byanze-AMAFOTO

Yanditswe na: Aloys Niyonyungu
Taliki:30/09/2023 17:42 1

Ikipe ya Rayon Sports yatsindiwe kuri penariti na Al Hilal Benghazi, urugendo rwerekeza mu matsinda ya CAF Confederation Cup ruranga

Kuri uyu Wagatandatu saa kumi nebyiri kuri Kigali Pelé Stadium hari kubera umukino Rayon Sports yari yakiriyemo Al Hilal Benghazi yo muri Libya.

Uyu wari umukino wo kwishyura,ubanza wari wabaye mu cyumweru gishize nawo ubera kiri iki kibuga urangira amakipe yombi anganya igitego 1-1.

Rayon Sports yasabwaga gutsinda cyangwa ikanganya uyu mukino 0-0 igahita ikora amateka yo gukatisha itike yerekeza mu matsinda ya CAF Confederation Cup Ibintu iheruka gukora muri 2018 ariko birangira byanze basezererwa kuri penariti 4-2.

Abakinnyi 11 ba Rayon Sports babanje mu kibuga:Hakizimana Adolphe,Serumogo Ali ,Rwatubyaye Abdul (c),Mussa Aruna Madjaliwa,Nzinga Luvumbu Heritier,Ishimwe Ganijuru Elie ,Esenu Musa,Eid Mugadam Abakar Mugadam, Mitima Isaac,Kalisa Rachid na Ojera Joackiam.

Abakinnyi 11 ba Al Hilal Benghazi babanje mu kibuga: Khaleid Almsmari,Bashier Elkarami,Jaefar Adrees,Osamah Alshareef,Faisal Saleh (c),Kevin Eze,Ezzeddin Elmarmi,Ahmed Mohamed,Abdelkader Ghorab,Ahmed Ramadhan na Abdulsalam Muftah.

Uko umukino wagenze umunota ku munota:

Rayon Sports yinjije penariti 2 naho Al Hilal Benghazi yinjiza 4.

Umukino urangiye amakipe yombi anganya igitego 1-1 hakaba hagiye kwitabazwa penariti

90+5' Mugadam arase uburyo butaratwa umuzamu wa Al Hilal Benghazi akora ibitangaza

90+4' Rayon Sports ikoze impinduka mu kibuga havamo, Mitima Isaac, Rwatubyaye Abdul na Madjaliwa hinjiramo Youssef, Aimable na Masta.

90+3' Umuyoza mukuru wa Al Hilal Benghazi yeretswe ikarita y'umutuku

90+1' Hertier Luvumbu Nzinga arekuye ishoti riremeye ariko riragenda rinyura impande y'izamu gato cyane

Umukino wongewe iminota 5

86' Mussa Aruna Madjaliwa aryamye hasi ari kwitabwaho n'abaganga nyuma yo kugwa hasi

84' Joakim Ojera abuze igitego cyabazwe aho yarasigaye wenyine arebana n'izamu ariko arekura ishoti rinyura hejuru y'izamu kure

82' Kalisa Rashid agerageje gutungura umuzamu ari mu kibuga hagati ariko umupira uragenda unyura hejuru y'izamu kure

79' Byahindutse noneho Al Hilal Benghazi muri iyi minota yihariye umupira cyane

77' Abatoza ba Al Hilal Benghazi bakomeje guserera n'abasifuzi

76' Al Hilal Benghazi iteye kufura ariko Mugadam aratabara akura umupira imbere y'izamu

Uki abatoza ba Al Hilal Benghazi baserereye n'abasifuzi bikarangira umukuru ahawe n'ikarita itukura

73' Serumogo Ally yari yitsinze ashyira umupira ku mutwe aziko awuhaye Hakizimana Adolphe ariko asanga nawe yavuye mu izamu ku bw'amahirwe unyura impande y'izamu

72' Abasore ba Al Hilal Benghazi bari bazamukanye umupira bihuta ariko Mitima Isaac aratabara

68' Joakim Ojera aryamye hasi nyuma yo gukandagirwa na na myugariro ba Al Hilal Benghazi

66' Luvumbu Nzinga arekuye koroneri neza iragenda inyura imbere y'izamu ariko habura ukozaho ngo ashyire umupira mu nshundura

64' Al Hilal Benghazi ibonye kufura ku ikosa Serumogo Ally akoreye Osamah Alshareef ariko bayiteye ntihagira ikivamo

63'Osamah Alshareef ahinduye umupira uremereye imbere y'izamu ariko ba myugariro ba Rayon Sports baratabara bashyira umupira muri koroneri

60' Rayon Sports ibuze uburyo bwabazwe imbere y'izamu aho Joakim Ojera aryamye arekura ishoti ariko umuzamu arishyira muri koroneri

58' Bugingo Hakim yinjiye mu kibuga asimbuye Ganijuru Elie

54' Serumogo Ally azamukanye umupira yinjira mu rubuga rw'mahina rwa Al Hilal Benghazi agenda acenga cenga ariko birangira bitamukundiye ngo atere mu izamu

Uko abatoza ba Al Hilal Benghazi bishimiye igitego

51' Rwatubyaye Abdul akoze amakosa Kevin Eze aramusiga ariko amwirukaho arikosora araryama umupira umukubita ku kuguru ujya muri koroneri

50' Joakim Ojera azamukanye umupira aracenga ahindura imbere y'izamu usanga Charles Bbale ashyiraho umutwe ariko unyura hejuru y'izamu gato

46' Heritier Luvumbu Nzinga azamukanye umupira agerageje gushota ariko biranga uragenda unyura imbere y'izamu habura ukozaho

Abakinnyi ba Rayon Sports bishimira igitego cyo kwishyura

Igice cya kabiri gitangiye Rayon Sports ikora impinduka havamo Musa Esenu hinjiramo Charles Bbale

Igice cya mbere kirangiye amakipe yombi anganya igitego 1-1 ariko abatoza ba Al Hilal Benghazi barakaye ndetse barashaka no gukubita umusifuzi

45+4' Umunyezamu wa Al Hilal Benghazi ahawe ikarita y'umuhondo kubera gutinza umukino

45+2' Joakim Ojera yaragerageje kurekera ishoti rikubita ku maguru ya bamyugariro ba Al Hilal Benghazi umupira usanga Luvumbu nawe arekura ishoti ariko biranga

Umukino wongeweho iminota 7

44' Abakinnyi ba Al Hilal bakomeje gushyushya mu mutwe aba Rayon Sports bagira ngo bahabwe amakarita

40' Nyuma yo kubona igitego cyo kwishyura, Rayon Sports ikomeje gusatira ishaka icya 2 ndetse iri no kubona kufura nyinshi

39' Ibintu bihinduye isura muri sitade abafana ba Rayon Sports bahise batangira gufana cyane batsa amatara ya telefone

38' Joakim Ojera atsinze igitego cyo kwishyura gitsinzwe na Joakim Ojera akoresheje umutwe ku mupira yarahawe na Luvumbu

36' Muri iyi minota ikipe ya Rayon Sports niyo yihariye umukino cyane naho abakinnyi ba Al Hilal Benghazi bo bari gukina barwana no gukiza izamu

34' Al Hilal Benghazi ikoze impinduka mu kibuga hinjiramo Faraj Abdullah asimbuye Ahmed Ramadhan nyuma yo kugira ikibazo cy'imvune

31' Ojera akoreweho ikosa umusifuzi atanga kufura iterwa na Luvumbu umuzamu ayikozaho intoki

28' Rayon Sports ikomeye gusatira ishaka uko yishyura, Joakim Ojera ahaye umupira Serumogo Ally nawe agiye kuwuhindura imbere y'izamu myugariro wa Al Hilal Benghazi awushyira muri koroneri

27' Abakinnyi ba Al Hilal Benghazi bari guhabwa amakarita y'umuhondo kubera gutinza umukino

24' Ganijuru Ishimwe Elie ahinduye umupira ashaka Musa Esenu ariko ntibyakunda ko awufata neza Mugadam Abakar ahita agerageza kuwushyira ku mutwe ntibyakunda urarenga

23' Umukinnyi wa Al Hilal Benghazi aryamye hasi

22' Umukino uri gukinwa wihuta kubera ko umupira uri kuva ku izamu rumwe ujya ku rindi

18' Rayon Sports ibonye kufura ku ikosa ryari rikorewe Mugadam iterwa na Kalisa Rashid iragenda ikubita mu rukuta iragaruka Luvumbu yongera kurekura ishoti ariko riragenda rinyura hejuru y'izamu kure

17" Ikipe ya Rayon Sports ikomeje gusatira, Heritier Luvumbu Nzinga agerageje kurekura ishoti ariko ba myugariro ba Al Hilal Benghazi baryitambika

14' Serumogo Ally azamukanye umupira awuhindura neza ashaka Mugadam Abakar ariko birangira byanze urarenga

12'Umuzamu wa Al Hilal Benghazi, Khaleid Almsmari yihanangirijwe n'umusifuzi kubera gutinza umukino

10' Al Hilal Benghazi ibonye kufura ku ikosa ryari rikozwe na Mitima Isaac ariko bayiteye ntihagira ikivamo

05' ikipe ya Rayon Sports ibonye kufura ku ikosa ryari rikorewe Serumogo Ally ariko itewe na Kalisa Rashid umuzamu wa Al Hilal Benghazi arayifata

3' Nyuma yo gutsindwa igitego, Rayon Sports iri kugerageza gushaka uko yishyura hakirikare,Musa Esenu yarazamutse ariko yikubita hasi agiye kwinjira mu rubuga rw'mahina

1' Ikipe ya Rayon Sports itangiye itsindwa igitego gitsinzwe na Ezzeddin Elmarmi ku makosa ya bamyugariro